Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

We Ngai Ambendeaa Ata?

We Ngai Ambendeaa Ata?

Ũndũ Mbivilia yaasya

Ngai endaa ũmũmanye nesa, ũtw’ĩke mũnyanyae, na ũimwenda na kũmũthũkũma na ngoo yaku yonthe. Nũtonya kũmanya ũndũ ũtonya kwĩka kwenda kwa Ngai wamanya maũndũ ala Yesũ weekaa, na maũndũ ala wamanyĩasya. (Yoana 7:16, 17) Ĩvinda yonthe Yesũ nĩwekaa kwenda kwa Ngai. Yesũ aisye kĩeleelo kyake kĩyaĩ ‘kwĩka kwenda kwake, ĩndĩ no kwenda kwa ũla wamũtũmie.’—Yoana 6:38.

No nginya Ngai ambony’e kyama nĩ kana nĩmanye kwenda kwake?

Aiee, nũndũ Mbivilia yĩ na ũvoo ũla Ngai wendaa andũ mamanye. Mbivilia yĩ na ũvoo w’onthe ũla waĩle kũmanya nĩ kana wĩthĩwe wĩ ‘mwĩanĩu, wĩanĩe kũtethya kĩla wĩa mũseo.’ (2 Timotheo 3:16, 17) Ngai endaa ũtũmĩe Mbivilia na ‘ũtonyi waku wa kũsũanĩa’ nĩ kana ũmanye kwenda kwake.—Alomi 12:1, 2, New World Translation; Aeveso 5:17.

We no wĩke kwenda kwa Ngai?

Ĩĩ, nũtonya kwĩka ũu nũndũ Mbivilia yaĩtye: “Mĩao yake [Ngai] ti mĩito.” (1 Yoana 5:3) Ũu ti kwasya kana ĩvinda yonthe wĩthĩawa wĩ ũndũ wĩ laisi kũkwata mĩao ya Ngai. Ĩndĩ weeka ũu ũkakwata moathimo maingĩ mũno. Yesũ mweene aisye: “Nĩ aathime mbee, ala mew’aa ndeto ya Ngai, makĩmĩkwata.”—Luka 11:28.