Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Kĩla Kĩtonya Kũũtetheesya Ũeke Kũkĩa Kĩkw’ũ

Kĩla Kĩtonya Kũũtetheesya Ũeke Kũkĩa Kĩkw’ũ

Ũndũ Mbivilia yaasya

Tũkĩaa kĩkw’ũ nũndũ nĩ mũmaitha na nĩtwosaa matambya ala maĩlĩte nĩ kana tũsũvĩe thayũ witũ. (1 Akolintho 15:26) Ĩndĩ o na ũu wĩ o vo, kwĩthĩwa na wia mwingĩ ĩũlũ wa kĩkw’ũ nũndũ wa kwĩw’a ngewa na syĩthĩo sya ũvũngũ kũtumaa andũ malika “ũkombonĩ thayũ woo w’onthe.” (Aevelania 2:15) Kũmanya ũla w’o kũkakũtetheesya ndũkakĩe kĩkw’ũ mũno nũndũ wia ũsu nũtonya kũtuma ũema kũtanĩa thayũ.Yoana 8:32.

Ũw’o ĩũlũ wa kĩkw’ũ

  • Akwũ mayĩsĩ ũndũ. (Savuli 146:4) Kwoou, ndwaĩlĩte kũkĩa ũyona ta ũkathĩna kana ũthĩnw’e wakw’a nũndũ Mbivilia ĩelakanĩtye kĩkw’ũ na too.Savuli 13:3; Yoana 11:11-14.

  • Akw’ũ maitonya kũtũũmĩsya. O na andũ ala matũmenete tene methĩawa matetonya me “akw’ũ.” (Nthimo 21:16) Mbivilia yaĩtye kana “kĩmena kyoo na kĩwĩu kyoo, nĩsyaaie.”—Mũtavan’ya 9:6.

  • Kĩkw’ũ tikyo mũthya witũ. Ngai akathayũũkya andũ ala makwie.Yoana 5:28, 29; Meko ma Atũmwa 24:15.

  • Ngai nĩwathanĩte kana ve ĩvinda ‘kĩkw’ũ kĩtakethĩwa vo ĩngĩ.’ (Ũvuan’yo 21:4) Mbivilia yaĩtye ta ũũ ĩũlũ wa ĩvinda yĩu: “Ala alũngalu makatiĩwa nthĩ, na makatũa vo kũvika tene na tene,” mate na wia wa kwĩsa kũkw’a.Savuli 37:29.