Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Nĩkĩ Kũte Mũuo Ĩũlũ wa Nthĩ?

Nĩkĩ Kũte Mũuo Ĩũlũ wa Nthĩ?

Ũndũ Mbivilia yaasya

Andũ nĩmatatĩte kũete mũuo ĩũlũ wa nthĩ ĩndĩ nĩmaemetwe. Ũndũ ũsu ndũkatonyeka nũndũ wa itumi ii iatĩĩe:

  • Kũtongoesya matambya make kũti nthĩnĩ wa mũndũ ũla ũendaa.” (Yelemia 10:23) Andũ mayaaũmbwa me na ũtonyi kana maĩle kwĩsumbĩka, na kwoou maitonya kũete mũuo wa ĩvinda yĩasa.

  • Ndũkaaĩkĩĩe anene me mbee ũsumbĩnĩ, kana mwana wa mũndũ, ũla ũtatonya kũtethya. Mĩthũmũ yake nĩyumaa, nake nũsyokaa mũthanganĩ wake; mũthenya o ũsu mosũanĩo make nĩmaaa.” (Savuli 146:3, 4) Atongoi ma silikalĩ, o na ala methĩawa na kĩeleelo kĩseo, maitonya kũmina vyũ mathĩna ala matumaa kwĩthĩwa na makaũ.

  • Mĩthenyanĩ ya mũminũkĩlyo kũkeethĩwa mavinda ma mũisyo. Nũndũ andũ makeethĩwa . . . ai, matendete ũseo, akaĩi, me na ngũlũ, me na mĩyimbyo.” (2 Timotheo 3:1-4) Twĩkalĩte “mĩthenyanĩ ya mũminũkĩlyo” ya nthĩ ĩno, ĩvinda yĩla mawoni ma andũ aingĩ matumaa wĩthĩwa ne ũndũ wĩ vinya kwĩthĩwa na mũuo.

  • Woo nĩ wa nthĩ na wa ũkanga: nũndũ ndevili nĩwamũtheeea inyw’ĩ, e na ũthilĩku mũnene, akĩmanya kana e na kavinda o kanini.” (Ũvuan’yo 12:12) Mũmaitha wa Ngai, Ndevili, nĩwekiw’e kũũ nthĩ na nũtumĩte andũ methĩwa mailyĩ take. Ĩvinda yonthe yĩla Ndevili ũkethĩawa e “mũnene wa nthĩ ĩno,” tũikesa kwĩthĩwa na mũuo.—Yoana 12:31.

  • [Ũsumbĩ wa Ngai] ũkatilanga ilungu na kũmina mosumbĩ asu onthe [ala mamũvĩngaa Ngai], naw’o ũkekalaa tene na tene.” (Ndanieli 2:44) Ũsumbĩ wa Ngai ũkeanĩsya wendi witũ wa kwĩthĩwa na mũuo nthĩ yonthe tene na tene, ĩndĩ ti silikalĩ ya mũndũ.—Savuli 145:16.