Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Mbivilia Yĩthĩawa na Ũĩ wa Mũndũ?

Mbivilia Yĩthĩawa na Ũĩ wa Mũndũ?

Ũndũ Mbivilia yaasya

Mbivilia, ĩla ĩngĩ yĩtawa Maandĩko Matheu, yĩthĩawa na nthimo mbingĩ sya ũĩ. O na ũu wĩ o vo, kwoona ũndũ Mbivilia yo mbene yaĩtye: “Kĩla Ũandĩko nĩwaveveewe nĩ Ngai.” (2 Timotheo 3:16) Ve maũndũ maingĩ ala monanasya ndeto isu nĩ sya w’o. Kwasũanĩa amwe ma asu:

  • Vai mũndũ waavota kwonany’a kana Mbivilia ndĩneeneaa maũndũ ma w’o ĩũlũ wa isitoli.

  • Ala maandĩkaa Mbivilia maandĩkie mateũvitha kĩndũ na me na ũlũngalu wa ngoo. Ũu wonanasya kana maũndũ ala maandĩkie maĩ ma w’o.

  • Mbivilia ĩneeneaa o ũndũ ũmwe mũnene. Ũndũ ũsu nĩ kana Ngai nĩwe waĩle kũsumbĩka andũ na kwĩanĩw’a kwa kĩeleelo kyake kwĩsĩla Ũsumbĩ wa ĩtunĩ.

  • O na kau yaandĩkiwe myaka mingĩ mĩvĩtu, Mbivilia ndĩkwataa mbau maũndũ ma ũvũngũ ma saenzi ala meetĩkĩlĩtwe nĩ andũ aingĩ ĩvinda ya tene.

  • Maũndũ ma isitoli ala maandĩkĩtwe monanasya kana mawathani ma Mbivilia nĩmeanĩĩte.