Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Yo Mbivilia Yaasya Ata Ĩũlũ wa Ũthasyo wa Kwĩnyuvĩa? Ngai nĩwe ũtongoesye kĩla kĩndũ?

Yo Mbivilia Yaasya Ata Ĩũlũ wa Ũthasyo wa Kwĩnyuvĩa? Ngai nĩwe ũtongoesye kĩla kĩndũ?

Ũndũ Mbivilia yaasya

Ngai onanĩtye nũtũnengete ndaĩa kwa kũtũnenga ũthasyo wa kwĩnyuvĩa vandũ va we mwene kũtũnyuvĩaa kana kũtũamũĩaa maũndũ ala makatũkwataa. Kwoona ũndũ Mbivilia ĩmanyĩasya.

  • Ngai oombie andũ na mũvw’ano wake. (Mwambĩlĩlyo 1:26) Kĩvathũkany’o na nyamũ, ila itatongoeaw’a nĩ kĩlĩko, andũ mavw’anene na Mũmbi woo kwa kwĩthĩwa matonya kwonany’a ndaĩa nzeo ta wendo na ũsili wa katĩ. Na, ta Mũmbi witũ twĩthĩawa na ũthasyo wa kwĩnyuvĩa.

  • Kwa kĩthimo kĩnene, nithyĩ twĩnyuvĩaa kana nĩtũkwenda twĩtanĩa ĩvinda yitũ yũkĩte. Mbivilia ĩtwĩkĩaa vinya ‘tũnyuve thayũ kwa kwĩthukĩĩsya wasya wa Ngai,’ na twĩkaa ũu ĩla twaatĩĩa mĩao yake. (Kũtũngĩlĩlwa Kwa Mĩao 30:19, 20) Keka ti ithyĩ twĩnyuvĩaa maũndũ, ndeto isu syĩthĩwa syĩ sya mana na iyonany’a kana Ngai nde tei. Vandũ va kũtũlasimĩthya twĩke maũndũ ala wendete, Ngai atwĩsũvĩte ũũ: “A! kethĩwa wethukĩĩsye mĩao yakwa! nĩvo ĩndĩ mũuo waku wĩthĩwa wailyĩ ta ũsĩ.”—Isaia 48:18.

  • Kwoou, noithyĩ tũtonya kũtuma tũendeea nesa kana tũendeea naĩ. Ethĩwa nĩtũkwenda maũndũ maitũ mathi nesa ũndũnĩ o na wĩva, no nginya twĩkĩe kĩthito. Mbivilia yaĩtye atĩĩ: “O ũla kw’oko kwaku kwona wa kwĩka, ĩka na vinya waku.”(Mũtavan’ya 9:10) Ĩsyokete ĩkasya atĩĩ: “Mosũanĩo ma ala athingu maelete wingĩnĩ wa syĩndũ.”—Nthimo 21:5.

Ũthasyo wa kwĩnyuvĩa nĩ mũthĩnzĩo kuma kwa Ngai, nũndũ ũthasyo ũsu nũtumaa tũmwenda na ‘ngoo yonthe,’ tũte kũlasimĩthw’a.—Mathayo 22:37.

We Ngai nĩwe ũtongoesye kĩla kĩndũ?

Mbivilia ĩmanyĩasya kana Ngai nĩwe mwene vinya w’onthe, na kana vinya wake ndũsiĩĩka nĩ mũndũ o na wĩva. (Yovu 37:23; Isaia 40:26) Ĩndĩ Ngai ndatũmĩaa ũkũmũ wake kũtongoesya kĩla kĩndũ. Kwa ngelekany’o, Mbivilia yaĩtye kana Ngai eekie ‘kwĩsiĩĩa’ kwelekela Mbaviloni ĩla yaĩ mũmaitha wa andũ make. (Isaia 42:14) O ta ĩvindanĩ yĩu, ũmũnthĩ Ngai nĩwũmĩĩasya ala matũmĩaa ũthasyo woo wa kwĩnyuvĩa kũũmĩsya angĩ. Ĩndĩ ndemomĩĩsya tene na tene.—Savuli 37:10, 11.