Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Manyĩsya Syana Syaku

 12

Mwanake wa Mwĩĩtu Wasyaanĩw’e na Vaulo Ndaĩ na Wia

Mwanake wa Mwĩĩtu Wasyaanĩw’e na Vaulo Ndaĩ na Wia

Eka twĩmanyĩsye ĩũlũ wa mwanake watangĩĩie thayũ wa mũndũ wasyaanĩw’e na inyia wake. Mũndũ ũsu wasyaanĩw’e na inyia wa mwanake ũsu eetawa mũtũmwa Vaulo. Mwanake ũsu ndawetetwe ĩsyĩtwa yake, ĩndĩ nĩtwĩsĩ nĩweekie ũndũ woonanisye kana ndaĩ na wia. Nũkwenda kũmanya ũndũ weekie?—

Vaulo aĩ mwove ku Yelusaleme. Oovetwe nũndũ wa kũtavany’a ĩũlũ wa Yesũ. Andũ amwe nĩmamũmenete Vaulo, na kwoou mavanga mũvango mũthũku. Maisye: ‘Ekai tũmũkũlye mũnene wa asikalĩ atũme asikalĩ make mamũtwae Vaulo kotinĩ. Ithyĩ twĩĩvitha nzĩanĩ, na ĩla Vaulo ũkwĩsĩla vau, tũimũaa!’

Mwanake wa mwĩĩtu wasyaanĩw’e na Vaulo nĩwamũtavisye Vaulo na mũnene wa asikalĩ ĩũlũ wa mũvango mũthũku wa kũmũaa Vaulo

Mwanake wa mwĩĩtu wasyaanĩw’e na Vaulo nĩweewie ĩũlũ wa mũvango ũsu. Eekie ata? Aendie vala Vaulo woovetwe na amũtavya. Vaulo eew’a ũndũ ũsu oou, nĩwamũtũmie mwanake ũsu athi akamũtavye mũnene wa asikalĩ ĩũlũ wa mũvango ũsu mũthũku. Wĩona waĩ ũndũ wĩ laisi kwa mwanake ũsu kũneena na mũnene wa asikalĩ?— Aiee, nũndũ mũnene ũsu wa asikalĩ aĩ mũndũ wanengetwe ndaĩa. Ĩndĩ, mwanake ũsu ndaĩ na wia, na nĩwaneenie na mũnene ũsu wa asikalĩ.

Mũnene ũsu nĩweesĩ nesa ũndũ waĩle kwĩka. Atũmie asikalĩ vakuvĩ 500 mamũsũvĩe Vaulo! Ameie mamũtwae Vaulo Kaisalea ũtukũ ũsu. Andũ asu athũku nĩmamũaie Vaulo?— Aiee, nĩmaemiwe nĩ kwĩka ũu! Mũvango woo mũthũku watheleile o vau.

Ũtonya kwĩmanyĩsya kyaũ kumana na ngewa ĩno?— O naku no wĩthĩwe ũte na wia ta mwanake ũsu. Tũyaĩle kwĩthĩwa na wia ĩla tũũtavya andũ angĩ ĩũlũ wa Yeova. Ũkaendeea kũtavany’a ĩũlũ wa Yeova ũteũkĩa?— Weeka ũu, nũtonya kũtangĩĩa thayũ wa mũndũ.

SOMA MBIVILIANĨ YAKU

  • Meko ma Atũmwa 23:12-24

  • Mathayo 24:14; 28:18-20

  • 1 Timotheo 4:16