Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Manyĩsya Syana Syaku

 14

Ũsumbĩ Ũla Ũkasumbĩka Nthĩ Yonthe

Ũsumbĩ Ũla Ũkasumbĩka Nthĩ Yonthe

Nĩwĩsĩ twĩneenea Ũsumbĩ wĩva?— Twĩneenea Ũsumbĩ wa Ngai. Ũsumbĩ ũsu ũkaseũvya nthĩ yĩthĩwe yĩ nzeo. We nũkwenda kũmanya maũndũ angĩ ĩũlũ wa Ũsumbĩ ũsu?—

Kĩla ũsumbĩ nĩwĩthĩawa na mũsumbĩ na ethĩawa asumbĩkĩte andũ ala me nthĩ ĩsu. Nĩwĩsĩ Mũsumbĩ wa Ũsumbĩ wa Ngai nũũ?— Nĩ Yesũ Klĩsto, nake ekalaa ĩtunĩ. O mĩtũkĩ akasumbĩka andũ onthe ĩũlũ wa nthĩ! Wĩona ta tũkethĩwa na ũtanu ĩla Yesũ wĩsumbĩka nthĩ yonthe?—

Nĩ maũndũ meva wĩenda kwona nthĩnĩ wa nthĩ ĩla ĩkethĩwa ĩseũvĩtw’e ĩkatw’ĩka nzeo

Tũkeethĩwa na ũtanu mwingĩ mũno! Nthĩnĩ wa nthĩ nzaũ andũ maikokita kana mathi kaũnĩ. Andũ onthe makeethĩwa mendene. Vai mũndũ ũkawaa kana kũkw’a. Ala ilalinda makoona nthĩ, ala matew’aa makeew’a, na ala me na maaũ mate na vinya makasemba na kũtũũlĩla. Kũkeethĩwa na lĩu mwingĩ mũno. Nasyo nyamũ iikethĩwa na ũmaitha katĩ wasyo, o na iikethĩwa na ũmaitha na andũ. Andũ ala makwie makathayũũkw’a. Aũme na aka aingĩ ala weemanyĩsya ĩũlũ wamo kavukunĩ kaa ta Leveka, Laavi, Ndaviti, na Eliya o  namo makathayũũkw’a! We nũkwenda wĩkomana namo ĩla methayũũkw’a?—

Yeova nũkwendete na endaa wĩthĩwe na ũtanu. Kwoou endeea kwĩmanyĩsya ĩũlũ wake na ũikwata mĩao yake. Weeka ũu, ũkeethĩwa ũtonya kwĩkala tene na tene nthĩnĩ wa nthĩ ĩla ĩkaseũvw’a yĩthĩwe yĩ nzeo! Ũu nĩw’o ũkwenda?—

SOMA MBIVILIANĨ YAKU

  • Isaia 2:4; 11:6-9; 25:8; 33:24; 35:5, 6

  • Yoana 5:28, 29; 17:3