Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Nĩ Kyaũ Kĩtonya Kũtuma Mũsyĩ Wĩthĩwa na Ũtanu?

Nĩ Kyaũ Kĩtonya Kũtuma Mũsyĩ Wĩthĩwa na Ũtanu?

Wĩona ta . . .

  • wendo?

  • mbesa?

  • kana nĩ kĩndũ kĩngĩ?

 MBIVILIA YAĨTYE ATA?

”Nĩ aathime mbee, ala mew’aa ndeto ya Ngai, makĩmĩkwata.” Luka 11:28, The Bible in Kikamba, 1974.

KWĨW’A NA KŨKWATA NDETO YA NGAI NĨKŨTONYA ŨKŨTETHEESYA

Kwĩthĩwa na wendo wa w’o.Aeveso 5:28, 29.

Kwĩthĩwa na ndaĩa ya w’o.Aeveso 5:33.

Kwĩthĩwa na mũuo.Maliko 10:6-9.

 NĨTŨTONYA KŨĨKĨĨA ŨNDŨ MBIVILIA YAĨTYE?

Ĩĩ, nũndũ wa itumi ta ilĩ:

  • Ngai nĩwe Mwambĩlya wa mũsyĩ. Mbivilia yaĩtye kana Ngai nĩwe wambĩlĩlye mũsyĩ. (Mwambĩlĩlyo 2:18-24) Ũu nĩ kwasya mũsyĩ wĩthĩawa vo nũndũ Yeova nĩwawambĩlye. Nĩkĩ ũsu nĩ ũndũ wa vata?

    Kwasũanĩa wĩya lĩu wĩ mũyo mũno na nũenda kũmanya ũuiwe ata, we ũkũlya ũũ? Vate nzika ũkũlya mũui.

    O ta ũu, nĩ kana ũmanye maũndũ ala mendekaa nĩ kana mũsyĩ wĩthĩwe na ũtanu, nĩwaĩle kũmwĩthukĩĩsya Yeova, Mwambĩlĩlya wa mũsyĩ.

  • Ngai nũkũsũvĩaa. Nthĩnĩ wa mũsyĩ andũ nĩmaĩle kũmantha ũtao wa Yeova, ũla ũtũnengete kwĩsĩla Ndeto yake. Nĩkĩ? “Nũndũ nĩwe ũmũsũvĩaa.” (1 Vetelo 5:6, 7) Yeova nũkũthĩnĩkĩaa, na mavinda onthe ũtao wake nũtethasya!Nthimo 3:5, 6; Isaia 48:17, 18.

 KWASŨANĨA ĨKŨLYO YĨĨ

Ũtonya ata kwĩthĩwa mũũme mũseo, kĩveti kĩseo, kana mũsyai mũseo?

Mbivilia nĩsũngĩĩte ĩkũlyo yĩu ĩandĩkonĩ ya AEVESO 5:1, 2 na ya AKOLOSAI 3:18-21.