Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Ũvoo Mũseo Kuma kwa Ngai!

 Ĩsomo ya 8

Nĩkĩ Ngai Ũekete Ũthũku na Mathĩna Methĩwe Kw’o?

Nĩkĩ Ngai Ũekete Ũthũku na Mathĩna Methĩwe Kw’o?

1. Ũthũku wambĩĩie ata?

Ngai etĩkĩlĩtye andũ masumbĩke kwa ĩvinda yĩtoetye nĩ kana onany’e mo maitonya kũmina mathĩna ma andũ

Ũthũku wambĩĩie ĩla Satani wakenganie. Mwambĩlĩlyonĩ Satani aĩ mũlaĩka mwĩanĩu, ĩndĩ “ndaaĩkala nthĩnĩ wa w’o.” (Yoana 8:44) Nĩweethĩiwe na mea ma kwenda kũthaithwa o na kau Ngai e weka no we waĩle kũthaithwa. Satani akengie mũndũ mũka wa mbee, Eva, na amũsesenga amwĩw’e vandũ va kũmwĩw’a Ngai. Atamu aatĩĩie Eva nthĩnĩ wa kũlea kũmwĩw’a Ngai. Ũtwi wa Atamu watumie kwĩthĩwa na mathĩna na kĩkw’ũ.Soma Mwambĩlĩlyo 3:1-6, 19.

Ĩla Satani weeie Eva ndakamwĩw’e Ngai, ambĩlĩilye ũlei kwelekela ũsumbĩki mũnene wa Ngai, ayonany’a kana Ngai ti we waĩle kwĩthĩwa e Mũsumbĩ Mũnene Vyũ. O ta Satani, andũ aingĩ ĩũlũ wa nthĩ nĩmamũleete Ngai kwĩthĩwa e Mũsumbĩ woo. Kwoou, Satani atw’ĩkĩte “mũnene wa nthĩ.”Soma Yoana 14:30; 1 Yoana 5:19.

2. W’o wũmbi wa Ngai waĩ na mavĩtyo?

Wĩa w’onthe wa Ngai nĩ mwĩanĩu. Andũ na alaĩka ala Ngai woombie maĩ matonya kũmwĩw’a Ngai kwa wĩanĩu. (Kũtũngĩlĩlwa Kwa Mĩao 32:4, 5) Ngai atũmbie twĩ na ũthasyo wa kũnyuva kwĩka ũseo kana ũthũku. Ũthasyo ũsu ũtũnengae mwanya wa kwonany’a wendo witũ kwa Ngai.Soma Yakovo 1:13-15; 1 Yoana 5:3.

3. Nĩkĩ Ngai ũekete mathĩna maendee nginya ũmũnthĩ?

Kwa kavinda, Yeova nĩwĩtĩkĩlĩtye ũlei kwelekela ũsumbĩki wake mũnene. Nĩkĩ? Nĩ kana onany’e ũsumbĩki o na wĩva ũtaumĩte kwake ndũtonya kũuna andũ. (Mũtavan’ya 7:29; 8:9) Ũndũ ũsu  nĩwonekete nesa nthĩnĩ wa myaka 6,000 mĩvĩtu. Asumbĩki ma andũ nĩmaemetwe nĩ kũmina kaũ, ũtũli wa mĩao, ũsili ũte wa katĩ, kana mowau.Soma Yelemia 10:23; Alomi 9:17.

Kĩvathũkany’o na ũsumbĩki wa andũ, ũsumbĩki wa Ngai nũmaunaa ala mawĩtĩkĩlaa. (Isaia 48:17, 18) O mĩtũkĩ, Yeova akaananga silikalĩ syonthe sya andũ. Ala manyuvĩte kũsumbĩkwa nĩ Ngai no mo makekala kũũ nthĩ.—Isaia 11:9.Soma Ndanieli 2:44.

4. Wũmĩĩsyo wa Ngai ũtũnengete mwanya wa kwĩka ata?

Satani aisye vaiĩ mũndũ o na ũmwe ũtonya kũmũthũkũma Yeova nũndũ nũmwendete. No wende kwonany’a kana ũsu nĩ ũneeni wa ũvũngũ? No wĩke ũu! Wũmĩĩsyo wa Ngai ũtũnengae mwanya wa kwonany’a kana twĩenda kũsumbĩkwa nĩ Ngai kana nĩ mũndũ. Mwĩkalo witũ nĩw’o wonanasya kĩla tũnyuvĩte.Soma Yovu 1:8-12; Nthimo 27:11.

5. Tũtonya kũmũnyuva Ngai ata ethĩwe Mũsumbĩ witũ?

Maũndũ ala twanyuva kwĩka nĩmo monanasya kana nĩtũkwenda Ngai atũsumbĩke

No tũmũnyuve Ngai ethĩwe Mũsumbĩ witũ kwa kũmantha na kũatĩĩa ũthaithi wa w’o kwosana na Ndeto ya Ngai, Mbivilia. (Yoana 4:23) No tũlee kũsumbĩkwa nĩ Satani kwa kwĩvathana na siasa na makaũ, o tondũ Yesũ weekie.Soma Yoana 17:14.

Satani atũmĩaa vinya wake kũtuma andũ mona imanyĩo nthũku syĩ nzeo. Ĩla twalea imanyĩo isu, anyanya na andũ amwe maitũ ma mũsyĩ no matũthekee kana kũtũvĩnga. (1 Vetelo 4:3, 4) Kwoou nĩtwaĩle kũtw’a twĩĩka ata. Tũkeethwa twĩ ngwatanĩo na ala mamwendete Ngai? Tũkaatĩĩaa mĩao yake ya ũĩ na wendo? Tweeka ũu, tũkoonany’a kana Satani nĩwakenganie ĩla waisye kana vaiĩ mũndũ ũmwĩw’a Ngai ethĩwa kwĩka ũu kũkamũetee thĩna.Soma 1 Akolintho 6:9, 10; 15:33.

Wendo wa Ngai kwa andũ ũtũĩkĩĩthasya kana akavetanga ũthũku na mathĩna. Andũ ala monanasya nĩmaĩkĩĩte ũndũ ũsu makatanĩa thayũ ĩũlũ wa nthĩ tene na tene.Soma Yoana 3:16.