Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Ũvoo Mũseo Kuma kwa Ngai!

 Ĩsomo ya 7

Ũsumbĩ wa Ngai Nĩ Kyaũ?

Ũsumbĩ wa Ngai Nĩ Kyaũ?

1. Ũsumbĩ wa Ngai nĩ kyaũ?

What makes Jesus an ideal King?—MARK 1:40-42.

Ũsumbĩ wa Ngai nĩ silikalĩ ya ĩtunĩ. Ũkavetanga silikalĩ ila ingĩ syonthe na ũkatuma kwenda kwa Ngai kwĩkwa ĩtunĩ na kũũ nthĩ. Nĩ ũvoo mũseo kũmanya kana Ngai akatũmĩa Ũsumbĩ wake kwa nzĩa ĩsu. Ũsumbĩ wa Ngai ũkilyĩ ũneanĩsya wendi wa mũndũ wa kwĩthwa na silikalĩ nzeo. Ũkaete ngwatanĩo katĩ wa andũ onthe ĩũlũ wa nthĩ.Soma Ndanieli 2:44; Mathayo 6:9, 10; 24:14.

Ũsumbĩ no nginya wĩthwe na mũsumbĩ. Yeova amũnyuvie Mwana wake, Yesũ Klĩsto, ethĩwe Mũsumbĩ wa Ũsumbĩ Wake.Soma Ũvuan’yo 11:15.

2. Nĩkĩ Yesũ nĩwe Mũsumbĩ ũla waĩle?

Mwana wa Ngai nĩwe Mũsumbĩ ũla waĩle nũndũ e tei na nũlũmanasya na ũla waĩle. (Yoana 1:14) Ĩngĩ, e vinya mwingĩ ũtoetye kũtetheesya andũ nũndũ akasumbĩka nthĩ e ĩtunĩ. Ĩtina wa kũthayũũkw’a, ambatie ĩtunĩ na ekala kw’okonĩ kwa aũme kwa Yeova, eteele anengwe ũsumbĩ. (Aevelania 10:12, 13) Ĩtina wa ũu, Ngai nĩwamũnengie vinya wa kwambĩĩa kũsumbĩka.Soma Ndanieli 7:13, 14.

3. Naaũ makasumbĩka vamwe na Yesũ?

Kĩkundi kĩtawa ala “atheu” kĩkasumbĩka vamwe na Yesũ ĩtunĩ. (Ndanieli 7:27) Atheu ma mbee kũnyuvwa maĩ atũmwa aĩkĩĩku ma Yesũ. Yeova no ũendee kũnyuva aũme na aka aĩkĩĩku methĩwe amwe ma asu atheu.  Mathayũũkaw’a me na mwĩĩ wa veva o ũndũ ũmwe na Yesũ.Soma Yoana 14:1-3; 1 Akolintho 15:42-44.

Aala maĩle kũthi ĩtunĩ nĩ meana? Yesũ ametie “ĩĩthya ĩnini.” (Luka 12:32) Na onthe makeethĩwa 144,000. Makasumbĩka ĩũlũ wa nthĩ vamwe na Yesũ.Soma Ũvuan’yo 14:1.

4. Kweethĩiwe ata ĩla Yesũ wambĩĩie kũsumbĩka?

Ũsumbĩ wa Ngai wambĩĩie kũsumbĩka 1914. * Ĩtambya ya mbee yĩla Yesũ woosie ambĩĩa kũsumbĩka yaĩ kũmwĩkya Satani na ndaimoni syake kũũ nthĩ. Satani nĩwathilĩkile na ambĩĩa kũete mathĩna ĩũlũ wa nthĩ yonthe. (Ũvuan’yo 12:7-10, 12) Kuma ĩvinda yu, mawoo ma andũ nĩmongelekeele vyũ. Makaũ, mayũa, mĩimũ, na ithingitho sya nthĩ nĩ maũndũ amwe me nthĩnĩ wa “wonan’yo” wa kana Ũsũmbĩ ũsu ũkilyĩ kũsumbĩka nthĩ yonthe.Soma Luka 21:7, 10, 11, 31.

5. Ũsumbĩ wa Ngai ũendee kwĩka ata?

Kwĩsĩla wĩa wa kũtavany’a ĩũlũ wa nthĩ yonthe, Ũsumbĩ wa Ngai ũendeee kũmbany’a ĩkomano ĩnene yĩ na ngwatanĩo kuma mbaĩ syonthe. Andũ auu milioni mbingĩ nĩmenyivĩsye Ũsumbĩ wa Ngai ũla ũsumbĩkĩtwe nĩ Yesũ. Ũsumbĩ wa Ngai ũkamasũvĩa ĩla wĩananga walany’o ũũ mũthũku wa maũndũ ĩũlũ wa nthĩ. Kwoou, onthe ala mekwenda moathimo ma Ũsumbĩ wa Ngai maĩle kwĩmanyĩsya kũmwĩnyivĩsya Yesũ.Soma Ũvuan’yo 7:9, 14, 16, 17.

Kwa ĩvinda ya myaka 1,000, Ũsumbĩ ũsu ũkeanĩsya kĩeleelo kya mbee kya Ngai kwa andũ. Nthĩ yonthe ĩkatw’ĩka valatiso. Na ĩtina wa ũu, Yesũ aitũngĩa Ĩthe wake Ũsumbĩ. (1 Akolintho 15:24-26) We ve mũndũ wĩsĩ wenda kũmũtavya ĩũlũ wa Ũsumbĩ wa Ngai?Soma Savuli 37:10, 11, 29.

 

^ kal. 6 Wenda kũmanya mũnango ũndũ wathani wa Mbivilia waĩtye ĩũlũ wa mwaka wa 1914, sisya ĩthangũ ya 215-218 ya ĩvuku Mbivilia Yo Ĩmanyĩasya Ata?