Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Ũvoo Mũseo Kuma kwa Ngai!

 Ĩsomo ya 3

Is the Good News Really From God?

Is the Good News Really From God?

1. Mũandĩkĩthya wa Mbivilia nũũ?

Ũvoo mũseo wa kana andũ makekala tene na tene kũũ nthĩ nũandĩkĩtwe Mbivilianĩ. (Savuli 37:29) Mbivilia yĩ na mavuku manini 66. Ngai atũmĩie aũme aĩkĩĩku vakuvĩ 40 kũmaandĩka. Mavuku atano ma mbee maandĩkiwe nĩ Mose kwa ĩvinda ya myaka vakuvĩ 3,500 mĩvĩtu. Ĩvuku ya mũthya yaandĩkiwe nĩ mũtũmwa Yoana myaka mbee wa 1,900 mĩvĩtu. Nĩ mawoni ma ũũ ala aandĩki ma Mbivilia maandĩkie? Ngai atũmĩie veva wake mũtheu kũneena na aandĩki ma Mbivilia. (2 Samueli 23:2) Maandĩkie mawoni ma Ngai, ti mawoni moo ene. Kwoou Yeova nĩwe Mũandĩkĩthya wa Mbivilia.Soma 2 Timotheo 3:16; 2 Vetelo 1:20, 21.

2. Nĩ kyaũ kĩtonya kũtũĩkĩĩthya kana Mbivilia nĩ ya w’o?

Nĩtwĩsĩ kana Mbivilia yumĩte kwa Ngai nũndũ yathanaa ĩte ũvĩtya ĩũlũ wa ũndũ ĩvinda yũkĩte yĩkethĩwa yĩilyĩ. Vaiĩ mũndũ ũtonya kwĩka ũu. (Yosua 23:14) No Ngai Mwene Vinya W’onthe ũtonya kũweta ĩũlũ wa ĩvinda yũkĩte ya mũndũ ate ũvĩtya.Soma Isaia 42:9; 46:10.

Tũtonya kwĩkwatya ĩvuku kuma kwa Ngai yĩthĩwe yĩte maela, na nĩ w’o Mbivilia yĩilyĩ. Mbivilia mbilioni mbingĩ ninyaĩĩkĩtw’e kwa ithyomo maana maingĩ. O na kau nĩ ya tene, nĩyosanĩte na saenzi ya w’o. Ĩngĩ, aandĩki mayo 40 mayaavĩngana. * Vamwe na ũu, kĩla Mbivilia ĩwetete ĩũlũ wa wendo kĩtonya kuma kwa Ngai wa w’o weka, ũla nĩ Ngai wa wendo, na yĩ na vinya wa kũalyũla andũ makaseũva. Maũndũ asu ma w’o maĩkĩĩthasya andũ milioni mbingĩ kana Mbivilia nĩ Ndeto ya Ngai.Soma 1 Athesalonika 2:13.

 3. Mbivilia ĩneenete ĩũlũ wa kyaũ?

Ũndũ ũmwe mũnene Mbivilia ĩwetete nĩ ũvoo mũseo ĩũlũ wa kĩeleelo kya Ngai kĩ wendo kwelekela andũ. Maandĩko nĩmaeleasya ũndũ mwambĩlĩlyonĩ mũndũ waaisye ũathimo wa kwĩkala valatisonĩ kũũ nthĩ na ũndũ valatiso ĩkatũngĩĩwa.Soma Ũvuan’yo 21:4, 5.

Ĩngĩ, Ndeto ya Ngai yĩ na mĩao, myolooto, na ũtao. O na ĩngĩ, Mbivilia yĩ na ngelekany’o sya ũndũ Ngai wĩkanaa na andũ. Ngelekany’o isu itũmanyĩasya ũndũ Ngai ũilyĩ. Kwoou, Mbivilia no ĩkũtetheesye kũmũmanya Ngai. Nĩeleasya ũndũ ũtonya kũtw’ĩka mũnyanyae.Soma Savuli 19:7, 11; Yakovo 2:23; 4:8.

4. Nĩ kyaũ kĩtonya kũũtetheesya ũelewe nĩ Mbivilia?

Kwa kũtũmĩa nzĩa ĩla Yesũ watũmĩie, kavuku kaa nĩkeũkũtetheesya ũelewe nĩ Mbivilia. Nĩwawetaa ĩandĩko yĩmwe ĩtina wa yĩngĩ na aielesya nĩ kana andũ “mamanye Maandĩko.”Soma Luka 24:27, 45.

Nĩ maũndũ manini mendeeasya mũno ta ũvoo mũseo kuma kwa Ngai. Ĩndĩ, andũ amwe maiwosaa ta wa vata, o na angĩ nĩmathataw’a nĩw’o. Ndũkakw’e ngoo. Nĩ kana wĩthĩwe na wĩkwatyo wa kũtanĩa thayũ ũtathela ĩvinda yũkĩte, no nginya ũmũmanye Ngai.Soma Yoana 17:3.

 

^ kal. 3 Sisya kavuku Kitabu kwa Ajili ya Watu Wote.