Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

What Does the Bible Really Teach?

What Are Sheol and Hades?

What Are Sheol and Hades?

KWĨANANA na kĩthyomo kĩla Mbivilia yaandĩkiwe nakyo kya Kĩevelania ndeto seoli na Kĩkiliki andesi syonekaa mavinda 70. Ndeto isu syelĩ ikonanĩtye na kĩkw’ũ. Mbivilia ingĩ syĩtaa ndeto isu “mbũa,” kana “vala maveva ma akw’ũ mekalaa.” Ndeto “Seoli” na “Andesi” kwa w’o syonanasya kyaũ? Eka twone ũndũ itũmĩĩtwe kũndũ kwĩ kĩvathũkany’o Mbivilianĩ.

Mũtavan’ya 9:10 waĩtye: “O ũla kw’oko kwaku kwona wa kwĩka, ĩka na vinya waku, nũndũ kũti wĩa kana ũsũanĩo, kana ũmanyi, kana ũĩ, Seoli vala ũendete.” Ũu nĩ kwasya ĩandĩko yĩu yĩonany’a Seoli nĩ vandũ, kana mũndũ , kana vandũ vala tũthikĩte mũndũ? Tiw’o, nũndũ yĩla Mbivilia ĩkũweta vandũ vana vala mũndũ ũthikĩtwe, kana mbũa, ĩtũmĩaa ndeto ingĩ sya Kievelania na Kĩkiliki, ĩndĩ ti seoli kana andesi. Ĩngĩ Mbivilia ndĩtũmĩaa ndeto “Seoli” yĩla ĩkũneenea vandũ vamwe vathikĩtwe andũ aingĩ, andũ ma mũsyĩ ũmwe mathikĩtwe vamwe kana vandũ vanyuvĩtwe kũthikawa andũ.Mwambĩlĩlyo 49:30, 31.

Kwoou “Seoli” nĩ va? Ndeto ya Ngai yonanasya ndeto “Seoli,” kana “Andesi,” syonanasya ũndũ ũngĩ mũnene eka o vandũ vathikĩtwe andũ tũ. Kwa ngelekany’o Isaia 5:14 yaĩtye Seoli “nĩvanenevetye kwenda kwavo, na kwathamya kanyw’a wavo vate kũthima.” O na kau Seoli nĩmeletye andũ aingĩ akw’ũ, ndĩanĩawa nongi. (Nthimo  30:15, 16) Vandũ vathikawa andũ, nĩvatonya kusũa, ĩndĩ, “Seoli kũtikolaa nongi.” (Nthimo 27:20) Seoli ndyusũaa. Ndĩ kĩthimo. Kwoou Seoli, kana Andesi ti vandũ vana vesĩkĩe kana vatonya kwonanw’a. Ĩndĩ nĩ ndeto ya kwonany’a mbũa ya akw’ũ onthe, vandũ vonthe vala akw’ũ makomete.

Ũmanyĩsyo wa Mbivilia wa ũthayũũkyo nũtũtetheeasya kũelewa mũno ĩũlũ wa ũndũ ndeto “Seoli” na “Andesi”  syonanasya. Ndeto ya Ngai ĩtũmĩaa ndeto Seoli na Andesi ĩla ĩkũneena ĩũlũ wa kĩkw’ũ kya andũ ala mena wĩkwatyo wa ũthayũũkyo. * (Yovu 14:13; Meko ma Atũmwa 2:31; Ũvuan’yo 20:13) Ndeto ya Ngai yonanĩtye ala me Seoli kana Andesi, ti o ala maĩ athaithi ma Yeova ĩndĩ o na angĩ aingĩ mataamũthaitha me o vo. (Mwambĩlĩlyo 37:35; Savuli 55:15) Nĩkyo kĩtumi, Mbivilia ĩmanyĩasya kana kũkeethĩwa “ũthayũũkyo wa ala alũngalu, na ala mate alũngalu nao.”Meko ma Atũmwa 24:15.

^ kal. 4 Andũ ala matakathayũũkw’a Mbivilia ndyaĩtye me Seoli, kana Andesi, ĩndĩ yaĩtye me “Ngienanĩ.” (Mathayo 5:30; 10:28; 23:33) Ngienanĩ ti vandũ vana vesĩkĩe vatonya kwonanw’a o ũndũ ũmwe na Seoli na Andesi.