Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Ĩvuku Yakwa ya Ngewa sya Mbivilia

Ngewa ya 2: Mũũnda Mwanake

Ngewa ya 2: Mũũnda Mwanake

KWASISYA nthĩ ĩno! Kĩla kĩndũ nthĩnĩ wayo kyanakavĩte ta kĩ! Kwatata kũsisya nyeki na mĩtĩ, malaa na nyamũ syonthe. Nũtonya kũmanya nzou na mĩnyambũ?

Nyamũ mũũndanĩ wa Eteni

Mũũnda ũũ wanakavĩte ũu waumie va? Ekai yu ĩndĩ, twone ũndũ Ngai wamĩseũvisye nthĩ kwondũ witũ

Mbee, Ngai nĩwameisye nyeki nziũ ĩvw’ĩke nthĩ. Na nĩwaseũvisye mĩthemba yonthe ya tũmĩtĩ tũnini na ikuthu o vamwe na itĩ. Syĩndũ ii imeaa mũthanganĩ na kwĩana nĩsyanakavasya nthĩ. Ĩndĩ ti oou wĩ w’oka. Mbingĩ syasyo nitũnengae malĩu me mũyo mũno.

Ĩtina wa ũu Ngai nĩwoombie makũyũ mathambĩae kĩw’ũnĩ na nyũnyi iũlũkae yayayanĩ. Nĩwoombie ngitĩ na mbaka na mbalasi; nyamũ nene na nini. Nĩ nyamũ myaũ syĩkalaa vakuvĩ na mũsyĩ kwenyu? Tyo twaĩlĩtwe nĩkwĩw’a mũyo nĩkwĩthĩwa Ngai nĩwoombie syĩndũ ii syonthe kwondũ witũ?

Ĩtina vyũ, Ngai nĩwaseũvisye kĩsio kĩmwe kya nthĩ kĩthĩwe kĩ kya mwanya mũno. Eetie kĩsio kyu mũũnda wa Eteni. Waĩ mũseo vyũ. Kĩla kĩndũ nthĩnĩ wa w’o kyaĩ kyanake. Na Ngai endaa nthĩ yonthe yĩthĩwe yĩ mbanake o ta mũũnda ũsu waseũvĩtye.

Ĩndĩ kwatata kũsisya ĩngĩ visa wa mũũnda ũũ. We nĩwĩsĩ nĩ kyaũ Ngai woonie kĩte vo? Ekai twone.

Mwambĩlĩlyo 1:11-25; 2:8, 9.



Makũlyo

  • Ngai amĩseũvisye nthĩ ata yĩthĩwe ũtũo witũ?
  • Elesya mĩthemba mingĩ ya nyamũ ila Ngai woombie. (Sisya visa.)
  • Nĩkĩ mũũnda wa Eteni waĩ wa mwanya mũno?
  • Ngai endaa nthĩ yonthe ĩtw’ĩke kyaũ?

Makũlyo ma kwongeleela

  • Soma Mwambĩlĩlyo 1:11-25.

    Ngai oombie kyaũ mũthenya wa katatũ wa wũmbi? (Mwa. 1:12)

    Kweekĩkie ata mũthenya wa kana wa wũmbi? (Mwa. 1:16)

    Nĩ nyamũ sya mũthemba mwaũ ila Ngai woombie mũthenya wa katano na wa thanthatũ? (Mwa.1:20, 21, 25)

  • Soma Mwambĩlĩlyo 2:8, 9.

    Nĩ mĩtĩ myaũ ĩlĩ ya mwanya Ngai wavandie mũũndanĩ ũsu, na yaĩ wonany’o wa kyaũ?