Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Ĩvuku Yakwa ya Ngewa sya Mbivilia

Kĩlungu kya 1: Kuma Wũmbi Kũvika Kĩla Kĩw’ũ Kingĩ

Kĩlungu kya 1: Kuma Wũmbi Kũvika Kĩla Kĩw’ũ Kingĩ

Matu na nthĩ syaumie va? Syũa, mwei na ndata na syĩndũ ingĩ nyingĩ ila syĩ ĩũlũ wa nthĩ, syaumie va? Mbivilia nĩtũnengae ũsũngĩo wa w’o yĩla ĩnĩkwasya syoombiwe nĩ Ngai. Kwoou ĩvuku yitũ yĩambĩĩa na ngewa sya Mbivilia ikonetye wũmbi.

Twĩĩmanyĩsya kana syũmbe sya mbee sya Ngai syaĩ sya kĩĩveva syĩw’ĩte kũvw’anana nake. Syũmbe isu nĩ alaĩka. Ĩndĩ nthĩ yoombĩiwe andũ taitũ. Kwoou Ngai oombie mũndũũme na mũndũ mũka meetawa Atamu na Eva na amaia mũũndanĩ mwanake. Ĩndĩ nĩmaleile kũmwĩw’a Ngai na maasya kĩanda kyoo kya kwĩthĩwa me thayũ.

Kuma kũmbwa kwa Atamu kũvika ĩvinda ya kĩla Kĩw’ũ Kingĩ yaĩ myaka 1,656. Ĩvindanĩ yĩu kwaĩ andũ aingĩ athũku. Ĩtunĩ kwaĩ andũ ma kĩĩveva matonekaa, Satani na alaĩka make athũku. Na kw’o kũũ nthĩ kwaĩ Kaini na andũ angĩ aingĩ athũkũ, o vamwe na mamũndũ me vinya mũno. Ĩndĩ o vamwe na ũu kwaĩ o na andũ angĩ aseo kũũ nthĩ—Aveli, Enoko na Noa. Kĩlungunĩ kya MBEE nĩtũũsoma ĩũlũ wa andũ aa onthe na maũndũ ala meethĩiwe.

Nyamũ nthĩnĩ wa mũũnda wa Eteni