Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Nũũ Ũla Ũsumbĩkĩte Nthĩ?

Nũũ Ũla Ũsumbĩkĩte Nthĩ?

 Nũũ Ũla Ũsumbĩkĩte Nthĩ?

Wĩona ta . . .

• Ngai?

• andũ?

• kana nĩ kyũmbe kĩngĩ?

 MBIVILIA YAĨTYE ATA?

“Nthĩ yonthe nĩsumbĩkĩtwe nĩ Ũla Mũthũku.”—1 Yoana 5:19, The Holy Bible in Current Kikamba Language.

“Kĩtumi kya kũka kwa Mwana wa Ngai kyaĩ kwananga mawĩa ma Satani.”—1 Yoana 3:8, BCK.

ŨNDŨ KŨMANYA ŨU KŨTONYA ŨKŨTETHYA

Kũkaũtethya ũelewe nesa nĩkĩ kwĩ mathĩna ĩũlũ wa nthĩ.—Ũvuan’yo 12:12.

• Kũkaũnenga kĩtumi kya kũĩkĩĩa kana nthĩ ĩno ĩkaalyũka yĩthĩwe yĩ nzeo.—1 Yoana 2:17.

NĨTŨTONYA KŨĨKĨĨA ŨNDŨ MBIVILIA YAĨTYE?

Ĩĩ, nũndũ wa itumi ta itatũ:

Ũsumbĩ wa Satani ũkilyĩ kwanangwa. Yeova nũtw’ĩte kũmina ũsumbĩ wa Satani ĩũlũ wa nthĩ. Athanĩte kana ‘akamwasya vinya Ndevili’ na kũveta vyũ ũthũku w’onthe ũla Satani ũetete ĩũlũ nthĩ.—Aevelania 2:14, The Bible in Kikamba, 1974.

Ngai amũnyuvĩte Yesũ Klĩsto ethĩwe mũsumbĩ wa nthĩ. Yesũ e kĩvathũkany’o vyũ na Satani ũla ũsumbĩkĩte nthĩ ũmũnthĩ. Satani nde tei na endaa kwĩyĩuna o we mwene. Ngai athanĩte ũũ ĩũlũ wa ũsumbĩki wa Yesũ: “Akeew’ĩa tei ngya na athĩni. . . . Akoovosya mathayũ moo kuma thĩnanĩ na ũng’endunĩ.”—Savuli 72:13, 14.

Ngai ndakenganaa. Mbivilia ĩwetete ũtheinĩ atĩĩ: “Kũitonyeka Ngai kũneena ũvũngũ.” (Aevelania 6:18) Ĩla Yeova wathana kwĩka ũndũ, we nde ndĩi ya kũlea kũwĩka! (Isaia 55:10, 11) ‘Mũnene wa nthĩ ĩno akekw’a nza.’—Yoana 12:31.

Ethĩwa ndwĩ na Mbivilia, nũtonya kũmĩsoma nthĩnĩ wa Indaneti kĩsesenĩ kya www.jw.org/kam

KWASŨANĨA ĨKŨLYO YĨĨ

Nthĩ ĩkeethĩwa ĩilyĩ ata ĩtina wa mũsumbĩ wayo kũvetwa?

Mbivilia nĩsũngĩĩte ĩkũlyo yĩu ĩandĩkonĩ ya SAVULI 37:10, 11 na ya ŨVUAN’YO 21:3, 4.

ĨMANYĨSYE MAŨNDŨ ANGĨ VATE NDĨVI

Soma kĩlungu kya 5 kya kavuku kaa.

□ Nĩngũmũkũlya mũndũmĩe kavuku kaa.

(Onany’a kĩthyomo kĩla ũkwenda.)

Ĩmanyĩsye Mbivilia na Ngũsĩ sya Yeova.

□ Nĩngũmũkũlya mũtũme mũndũ kwakwa.

No ũkũlye ũtũmĩwe mũndũ oke kwaku kana umye kavuku kaa nthĩnĩ wa www.jw.org/kam.