Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

What Is the Kingdom of God?

What Is the Kingdom of God?

 Ũsumbĩ wa Ngai nĩ kyaũ?

We no wasye Ũsumbĩ ũsu nĩ . . .

• kĩndũ kĩthĩawa ngoonĩ?

• kĩndũ kyaĩle kũeleeka kwa nzĩa ya ngelekany’o?

• kana nĩ silikalĩ ya ĩtunĩ?

 MBIVILIA YAĨTYE ATA?

“Ngai wa ĩtunĩ akaũngamya ũsumbĩ ũtakaanangĩka tene na tene.” —Ndanieli 2:44, The Bible in Kikamba, 1974.

‘Nĩtũnengetwe mwana mũndũ mũũme; na ũsumbĩko ũkeethĩwa kĩtuonĩ kyake.’—Isaia 9:6.

ŨNDŨ KŨMANYA ŨU KŨTONYA ŨKŨTETHYA

• No kũũtetheesye ũmanye kana kwĩ silikalĩ yĩ na ũlũngalu ĩla ĩtonya kũũtethya we mwene.—Isaia 48:17, 18.

• Ĩngĩ, no kũũtetheesye ũmanye kana nthĩnĩ wa nthĩ nzaũ ĩla yũkĩte kũikethĩwa ũwau, na andũ makeethĩawa na ũtanu.—Ũvuan’yo 21:3, 4.

 NĨTŨTONYA KŨĨKĨĨA ŨNDŨ MBIVILIA YAĨTYE?

Ĩĩ, nũndũ wa itumi ta ilĩ:

Yesũ nĩwoonanisye kĩla Ũsumbĩ wa Ngai ũkeka. Yesũ amanyĩisye aatĩĩi make mavoyae Ũsumbĩ wa Ngai wũke, na kwenda kwake kũyĩkwa kũũ nthĩ. (Mathayo 6:9, 10) Nĩwasyokie oonany’a ũndũ mboya ĩsu ĩkasũngĩwa.

Ĩla Yesũ waĩ kũũ nthĩ nĩwamanengie lĩu ala maĩ na nzaa, avosya awau, na athayũũkya akw’ũ! (Mathayo 15:29-38; Yoana 11:38-44) Nũndũ Yesũ nĩwe waĩ ethĩwe Mũsumbĩ wa Ũsumbĩ wa Ngai, eekie maũndũ asu nĩ kana onany’e moathimo ala makatanĩwa nĩ andũ ala makethĩwa ungu wa Ũsumbĩ ũsu.—Ũvuan’yo 11:15.

Maũndũ ala maendeee ĩũlũ wa nthĩ meonany’a kana Ũsumbĩ wa Ngai wĩ vakuvĩ. Yesũ athanie kana Ũsumbĩ ũsu ũtambĩte kũete mũuo kũũ nthĩ, kwaĩ kwĩthĩwe makaũ, nzaa, na itetemo sya nthĩ.—Mathayo 24:3, 7.

Maũndũ asu nĩmo me kw’o ũmũnthĩ. Kwoou, no twĩthĩwe na mũĩkĩĩo kana Ũsumbĩ wa Ngai ũkilyĩ kũmina mathĩna asu onthe.

Ethĩwa ndwĩ na Mbivilia, no ũmĩsome nthĩnĩ wa Kĩsese kya www.jw.org/sw (Wavingũa vinyĩĩa vala vaandĩkĩtwe MACHAPISHO, na ũisyoka ũvinyĩĩe BIBLIA)

 KWASŨANĨA ĨKŨLYO YĨĨ:

Kũkeethĩwa kũilyĩ ata ĩla Ũsumbĩ wa Ngai wĩsumbĩka?

Mbivilia nĩsũngĩĩte ĩkũlyo yĩu ĩandĩkonĩ ya SAVULI 37:29, na ya ISAIA 65:21-23.

ĨMANYĨSYE MAŨNDŨ ANGĨ VATE NDĨVI

Soma ĩsomo ya 7 nthĩnĩ wa kavuku kaa.

□ Nĩngũmũkũlya mũndũmĩe kavuku kaa.

(Onany’a kĩthyomo kĩla ũkwenda.)

Ĩmanyĩsye Mbivilia na Ngũsĩ sya Yeova.

□ Nĩngũmũkũlya mũtũme mũndũ kwakwa.

No ũkũlye ũtũmĩwe mũndũ oke kwaku kana umye kavuku kaa nthĩnĩ wa www.jw.org/kam.