Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Nyuva kĩthyomo Kikamba

 KYONGO KYA ĨTHANGŨ YA MBEE | ALA AŨME ANA MAKUĨTWE NĨ MBALASI METŨMANYĨSYA KYAŨ?

Ala Aũme Ana Makuĩtwe Nĩ Mbalasi Matũmanyĩasya Kyaũ?

Ala Aũme Ana Makuĩtwe Nĩ Mbalasi Matũmanyĩasya Kyaũ?

Maũndũ ala maeleetw’e ĩvukunĩ ya Ũvuan’yo ĩũlũ wa mbalasi inya na aũme ala makuĩtwe nĩsyo nĩ maũsengy’a mũno, na maeleetw’e nesa ũkethĩa nĩ ta tũmene mayĩkĩka. Mbalasi isu syĩoneka isembete mũno na mavũngũ masyo me na wasya ta wa kĩtundumo! Mbalasi ya mbee nĩ nzaũ, na ũla ũkuĩtwe nĩyo nde na ĩvinda yĩasa kuma atw’ĩkĩthw’a mũsumbĩ. Aatĩĩwe nĩ mbalasi ya langi mũtune, na ũla ũkuĩtwe nĩyo avetangaa mũuo ĩũlũ wa nthĩ. Nayo mbalasi ya katatũ nĩ nziũ, na ũla ũkuĩtwe nĩyo e na kĩthimi kw’okonĩ kwake, na wasya ũla ũkwĩw’ĩka wĩonany’a kana kwĩ yũa. Mbalasi ya kana nĩ ya langi wa mũkũyũ kana langi mũtuku, na yĩonany’a kana kwĩ mowau na mĩisyo ĩngĩ, na ũla ũkuĩtwe nĩyo ĩsyĩtwa yake nĩ kĩkw’ũ. Mbũa yĩatĩanĩe na mbalasi ĩsu, na andũ aingĩ ala makw’a melika vo!—Ũvuan’yo 6:1-8.

“Ĩla nasomie kwa ĩvinda ya mbee ĩũlũ wa aũme asu ana makuĩtwe nĩ mbalasi, nĩnatelemile. Nasũanĩie kana Mũthenya wa Sila nĩwũkĩte na nũndũ ndyeeyũmbanĩtye, ndiema kwanangwa.”Crystal.

“Nĩnendeeiw’e nĩ woni ũla ũeleetye ĩũlũ wa aũme ana ala makuĩtwe nĩ mbalasi syĩ malangi me kĩvathũkany’o. Nĩnesie kũelewa maũndũ ala me woninĩ ũsu, na namanya kana nĩ ma w’o.”Ed.

Nĩwĩthĩwa wĩw’aa ũndũ Crystal weewie ĩla wasomie ĩũlũ wa aũme ana ala makuĩtwe nĩ mbalasi mawetetwe ĩvukunĩ ya Ũvuan’yo? Kana wĩw’aa ũndũ Ed weew’aa? Wĩthĩwe wĩw’aa ta Crystal, kana wĩw’aa ta Ed, ĩthĩwa wĩsĩ kana woni ũsu wa aũme makuĩtwe nĩ mbalasi nĩ ũmwe wa mawoni ala mesĩkĩe nesa ĩvukunĩ ya Ũvuan’yo, na nĩyo ĩvuku ya mũthya ya Mbivilia. Na we nĩwĩsĩ kana kũelewa woni ũsu no kũũtethye? Kũtonya kũũtethya ata? Ngai nĩwathanĩte kana no ũkwate ũtanu wa w’o wasoma, weemanyĩsya, na weeka kwosana na maũndũ ala me ĩvukunĩ yĩu ya wathani.—Ũvuan’yo 1:1-3.

O na kau andũ amwe nĩmatelemaa masoma woni ũsu wa aũme ana makuĩtwe nĩ mbalasi, woni ũsu ndwaandĩkwa ũtũtelemasye. Ũw’o nĩ kana andũ milioni mbingĩ nĩmamanyĩte kana woni ũsu nũlũlũmĩĩlasya mũĩkĩĩo woo, na nũmanengae wĩkwatyo mũseo wa ĩvinda yũkĩte. O naku no ũtetheke o tamo! Twĩũkũlya ũendeee kũsoma ũvoo ũũ.