Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Mũsyaĩĩsya  |  Na. 1 2017

 MBIVILIA NĨALYŨLAA ANDŨ

Ndyendaa Kũkw’a!

Ndyendaa Kũkw’a!
  • ASYAIWE MWAKA WA: 1964

  • NTHĨ ĨLA WUMĨTE: ENGLAND

  • ĨVINDA ĨVĨTU: EETHĨIWE NA SYANA E O WA MŨIKA NA AĨ NA MWĨKALĨLE MŨTHŨKU

KWĨANA KWAKWA

Nasyaĩwe Paddington, vandũ vekalaa andũ aingĩ mũno mũsyĩnĩ wa London, England. Nekalaa na inyia wakwa na eĩtu angĩ atatũ akũũa. Ĩthe wakwa ndatũthĩnĩkĩaa ũndũ vaĩle nũndũ aĩ mũthengi.

Ĩla naĩ mũnini, inyia wakwa nĩwamanyĩisye kũvoyaa kĩla wĩoo. Naĩ na Mbivilia nini yaĩ na ĩvuku ya Savuli yĩ yoka, na nĩneeseũvĩsye tũwathi ngainaa nĩ weka. Nĩngũlilikana ndisoma ndeto syakiitie ngoo yakwa mũno kuma ĩvukunĩ yĩmwe ila syaĩtye atĩĩ: “Ve mũthenya ũtakethĩwa thayũ.” Ndeto isu syatumie ndakoma ũtukũ mũima ndisũanĩa ĩũlũ wa ĩvinda yũkĩte. Nasũanĩie kana no nginya vethĩwe ve kĩtumi kĩseo kya kwĩthĩwa nĩ thayũ. O na neekũlasya nĩkĩ noombiwe? Ndyendaa kũkw’a!

Nĩnendaa mũno kũmanya ĩũlũ wa maũndũ ma ũwe. Nĩnatataa kũneena na andũ akw’ũ, nĩnaendaa tũvulĩnĩ nĩ na anyanyawa ala twasomaa ĩmwe, na nĩnasiasya sinema sya kũtelemya vamwe namo. O na kau nĩtwendeeaw’a nĩ kwĩloela sinema isu, nĩsyatumaa tũtelema.

Nĩnambĩĩie kwĩthĩwa na mwĩkalĩle mũthũku nĩ o na myaka ĩkũmi. O na nĩnanyusaa sikala na wesa kwĩthĩa ndyĩkala ndamĩnyw’ĩte. Ĩtina nĩnambĩĩie kũnyw’a vangi. Nĩ na myaka 11 nĩnambĩĩie kũnyw’a ũkĩ. O na kau ndyendeeaw’a nĩ ũndũ wasamaa, nĩneew’aa mũyo ĩla namilwa. O na nĩnendete mbathi na kũsũnga. Na ĩla vatonyeka, nĩnaendaa kũndũ kũla andũ makomanaa metanĩthye, o na nĩnaendaa disco sya ũtukũ. Nĩnatolokaa ũtukũ na ndisyoka ĩngĩ mũsyĩ kũtanakya. Na nũndũ naamũkaa nĩnoete, nĩnatĩaa sukulu ndawetete. Na ĩla nathi sukulu, nĩnanyusaa ũkĩ masomo maendeee.

Nĩnavalũkile mũno mũtianinĩ ũla neekie wa kũmina sukulu. Inyia wakwa nĩwathĩnĩkie mũno na athata nũndũ ndeesĩ kana naĩ na mwĩkalĩle mũthũku. Nĩtwaemaniwe nake na natoloka mũsyĩ. Kwa ĩvinda yĩana ũna nĩnekalanilye na kĩmwana twaĩ ndũũ kyeetawa Tony, kĩla kyaĩ kya ndĩni ya Rastafari. Aĩ kĩng’ei na nĩwathooasya ndawa sya kũmila, o na nĩweesĩkĩe ta mũndũ wendete kũkita. Ĩtina wa ĩvinda ĩkuvĩ, nĩnaitavie, na nĩ na myaka 16, nasyaa kamwana.

 ŨNDŨ MBIVILIA YAALYŨLILE MWĨKALĨLE WAKWA

Nĩnakomanie na Ngũsĩ sya Yeova kwa ĩvinda ya mbee ĩla nekalaa kũndũ kũla kũsũvĩĩawa aka ala masyaa mate atwae vamwe na syana syoo. Nĩ kũu, nĩnanengetwe nyũmba ya kwĩkala nĩ anene ma silikalĩ. Aka elĩ maĩ Ngũsĩ sya Yeova nĩmatembeleaa aka amwe twekalaa namo. Mũthenya ũmwe nĩneethukĩĩisye kĩla maneeneaa. Nĩnendaa kũĩkĩĩthya Ngũsĩ isu kana momanyĩsyo moo ti ma w’o. Ĩndĩ nĩmasũngĩie makũlyo maingĩ ala naĩ namo me auu na kwa nzĩa ĩla yaĩle matũmĩĩte Mbivilia. Maĩ andũ aseo mũno na mauĩtye, na ũndũ ũsu nĩwambendeeisye mũno. Kwoou nĩneetĩkĩlile kwĩmanyĩsya Mbivilia namo.

Ĩtina wa ĩvinda ĩkuvĩ, nĩneemanyĩisye ũndũ kuma Mbivilianĩ ũla waalyũlile mwĩkalĩle wakwa. Kuma ĩla naĩ mũnini, nĩnakĩĩte kũkw’a. Ĩndĩ nĩnamanyie ũndũ Yesũ wamanyĩisye ĩũlũ wa ũthayũũkyo! (Yoana 5:28, 29) O na nĩnamanyie kana Ngai nũnthĩnĩkĩaa. (1 Vetelo 5:7) Nĩnakiitiwe ngoo mũno nĩ ndeto ila syĩ ĩvukunĩ ya Yelemia 29:11, ila syaĩtye atĩĩ: “Nũndũ nĩnĩsĩ mosũanĩo ala nĩsũanĩaa kwondũ wenyu, easya Yeova, mosũanĩo ma mũuo, na ti ma ũthũku, kũmũnenga wĩkwatyo mũminũkĩlyo wenyu.” Nĩnambĩĩie kwĩthĩwa na wĩkwatyo wa kwĩkala ĩũlũ wa Nthĩ Nzaũ tene na tene.—Savuli 37:29.

Ngũsĩ sya Yeova nĩsyambonisye wendo wa w’o. Ĩla naendie maũmbanonĩ moo ĩvinda ya mbee, noonie me na ũnyanya na mendete kũthokya aeni! (Yoana 13:34, 35) Maũndũ ala neekiwe vau maĩ kĩvathũkany’o mũno na maũndũ ala neekawa ĩkanisanĩ yĩla naendaa. Ngũsĩ sya Yeova nĩsyanthokisye nesa o na kau naĩ na mathĩna maingĩ. Nĩmambĩthukĩĩisye, manzũvĩa, na mandethya maũndũnĩ maingĩ. Neew’aa ta nĩ nthĩnĩ wa mũsyĩ mũnene wa andũ mendanĩte.

Nũndũ wa kwĩmanyĩsya Mbivilia, nĩnamanyie kana no nginya nĩke moalyũku mana thayũnĩ wakwa nĩ kana nĩkale kwosana na myolooto ya Ngai. Ndwaĩ ũndũ wĩ laisi kũeka kũnyw’a sikala. Ĩvindanĩ o yĩu, nĩnamanyie kana mbathi imwe neethukĩĩasya syatumaa nendeew’a mũno nĩ kũnyw’a vangi, na kwoou naeka kũsyĩthukĩĩsya. Nĩ kana nĩvathane na syĩndũ isu na ndyĩkala nesa, nĩnaekie kũthi kũla andũ makomanaa metanĩthye na naeka kũthi disco sya ũtukũ nũndũ nĩneesĩ nathi kũu ndiema kũnyw’a ũkĩ. Na nĩnamanthie anyanya angĩ ala maĩ matonya kũndetheesya nĩthĩwe na mwĩkalĩle mũseo.—Nthimo 13:20.

Ĩvindanĩ o yĩu, Tony nĩweemanyĩasya Mbivilia na Ngũsĩ sya Yeova. Ĩla wasũngĩiwe makũlyo make kuma Mbivilianĩ, o nake nĩwaĩkĩĩie kana kĩla weemanyĩasya nĩ kya w’o. Nĩweekie moalyũku manene, kwa ngelekany’o, nĩwaekie kũtindany’a na andũ ala maĩ ang’endu, aekana na ũng’ei, na aeka kũnyw’a vangi. Nĩ kana tũmwendeesye Yeova vyũ, nĩtwoonie ve vata wa kũalyũla mwĩkalĩle witũ mũthũku na tũyĩthĩwa tũtonya kũea mwana witũ kwa nzĩa nzeo. Nĩtwatwaanie mwaka wa 1982.

“Yu ndyaĩawa nĩ too ũtukũ mũima ndithĩnĩka ĩũlũ wa ĩvinda yũkĩte kana kĩkw’ũ”

Nĩnĩlilikanaa ndyĩka ũkunĩkĩli makasetinĩ ma Mũsyaĩĩsya na Amkeni! * ĩũlũ wa andũ meekie moalyũku ta ala nendaa kwĩka. Nĩneekĩiwe vinya mũno nĩ ngelekany’o syoo. Nĩneewie neekĩwa vinya nĩendeee vyũ nde kũkw’a ngoo. Nĩnamũvoyaa Yeova andetheesye. Mwei wa 7, 1982, nĩ na Tony nĩtwavatisiwe na twatw’ĩka Ngũsĩ sya Yeova.

MOATHIMO ALA NĨKWATĨTE

Kwĩthĩwa na ngwatanĩo nzeo na Yeova nĩkwatangĩĩie thayũ wakwa. O na ĩngĩ, nĩ na Tony nĩtwonete Yeova aitũtetheesya mavindanĩ ma thĩna. Nĩtwĩmanyĩĩtye kũmwĩkwatasya Yeova mavindanĩ ma thĩna, na nĩtwonete aitũtetheesya.—Savuli 55:22.

Nĩnatanĩie mũno kũtetheesya syana syakwa imũmanye Yeova o tondũ nĩmwĩsĩ. Yu nĩw’aa mũyo mũno noona syana syoo iendeee kũmũmanya Ngai.

Yu ndyaĩawa nĩ too ũtukũ mũima ndithĩnĩka ĩũlũ wa ĩvinda yũkĩte kana kĩkw’ũ. Nĩ na Tony nĩtũendaa ikundinĩ syĩ kĩvathũkany’o sya Ngũsĩ sya Yeova kĩla kyumwa kwĩkĩana vinya na ana-a-asa ala angĩ. Nĩtũendaa kũmanyĩsya andũ ala angĩ Mbivilia twĩ vamwe na ana-a-asa na eĩtu-a-asa asu nĩ kana andũ ala twamatavya mamũĩkĩĩa Yesũ, meĩthĩwa matonya kũtanĩa kwĩkala ĩũlũ wa nthĩ tene na tene.

^ kal. 17 Matumbĩthĩtw’e nĩ Ngũsĩ sya Yeova.