Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Mũsyaĩĩsya  |  Mwei wa 7 2015

 KYONGO KYA ĨTHANGŨ YA MBEE | ŨTONYA KWĨKA ATA WAKWATWA NĨ MAWĨMAKĨO

Mawĩmakĩo me kĩla vandũ!

Mawĩmakĩo me kĩla vandũ!

“Naendie kũthooa lĩu ĩndĩ neethĩa maithoosya mĩsukuti yĩ yoka. Na thooa wayo wambatĩte kũndũ 10,000 kwĩ ũndũ yatwĩe ĩthooaw’a! Mũthenya ũla waatĩĩe nduka iyaĩ na lĩu o na ũmwe.”—Paul, Zimbabwe.

“Mũũme wakwa ambĩtie na ambĩa ethi atakasyoka. Nesaa kũmĩĩsya ũndũ ũsu ata? Nasyo syana syakwa syesaa kwĩka ata?”—Janet, United States.

“Ĩla neew’a wasya wa kĩng’ola nzembaa ngevitha na ndikoma nthĩ mĩsinga ĩendeee na kũlivũka. Ũndũ ũsu weekĩka, moko makwa maendeeaa kũthĩlĩa o na ĩtina wa masaa maingĩ.”—Alona , Israel.

Ĩvindanĩ yĩĩ tũĩ kwĩ mawĩmakĩo maingĩ na nĩkyo kĩtumi Mbivilia yaĩtye kana nĩ “mavinda ma mũisyo.” (2 Timotheo 3:1) Andũ aingĩ methĩĩtwe me thĩnanĩ mwingĩ nũndũ wa ũnyivu wa mbesa, mathĩna ma mĩsyĩ, kaũ, mĩimũ, na mĩisyo. O na mathĩna asu me o vo, ve mathĩna angĩ ma mũndũ mwene, kwa ngelekany’o angĩ no mekũlye atĩĩ: ‘Wimbu ũũ nĩ naw’o nũtonya kwĩthĩwa ne kanza?’ ‘Esũkũũa makeanĩa o nthĩ ĩno ĩthũkĩte ũu?’

Ti mawĩmakĩo onthe methĩawa me mathũku. Mavinda angĩ no tũthĩnĩke kana tũkemakĩa ĩla tweteele mũtiani, ĩla tũũneena mbee wa andũ, kana ĩla tũũkũlya wĩa. O na no tũkwatwe nĩ wia nũndũ wa mũisyo ũtonya kũtũkwata na ũu ũituma twĩsũvĩa. Ĩndĩ kwĩmakĩa kũvĩtũkĩte no kũtũũmĩsye. Ũkunĩkĩli ũmwe ũneekiwe katĩ wa andũ aima mbee wa 68,000 ũnoonanisye kana mũndũ eemakĩa o na ethĩwa no vanini, ũu no ũtume akw’a tene. Kwoou ti ũndũ wa kũsengy’a kwĩthĩwa Yesũ akũlilye atĩĩ: “Na nũũ kwenyu ũla ũtonya kwondũ wa kwĩmakĩa kwake kwĩyongeleela ũasa wake mũkono ũmwe?” Kwa w’o kwĩmakĩa kũituma mũndũ ongela ũasa wa thayũ wake. Nĩkyo kĩtumi Yesũ wanenganie ũtao ũũ: “Mũikemakĩe.” (Mathayo 6:25, 27) Ĩndĩ ũu ũtonyeka ata?

Nzĩa ĩmwe tũtonya kwĩka ũu nĩ kũtũmĩa ũĩ, kũmũĩkĩĩa Ngai vyũ, na kwĩthĩwa na wĩkwatyo mũlũmu wa ĩvinda yũkĩte. O na ethĩwa yu tũi na maũndũ maito matũkwete, no matũkwate ĩvinda yũkĩte. Ekai twone ũndũ kũatĩĩa maũndũ asu kũtetheesye Paul, Janet, na Alona kũmĩanĩsya na mawĩmakĩo.