Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Mũsyaĩĩsya  |  Mwei wa 7 2015

Mosũngĩo ma Makũlyo ma Mbivilia

Mosũngĩo ma Makũlyo ma Mbivilia

Ũthũku wumaa va?

Nũũ wamũtataa yesũ eke ũndũ ũtaĩle?—Mathayo 4:8-10

Andũ nĩmendete kwĩthĩwa me auu, me aĩkĩĩku, na me tei. Ĩndĩ no twĩkũlye, Nĩkĩ kwĩthĩawa na ũtũli wa mĩao, ũng’endu, na ũsili ũte wa katĩ? Ũmũnthĩ nĩtũsomaa kana tũkew’a maũvoo ma kũtelemya. Yo nĩvatonyeka vakethĩwa ve mũndũ ũtumaa andũ meka mothũku?—Soma 1 Yoana 5:19.

We Ngai oombĩte andũ me na wendi wa kwĩka naĩ? Aiee, ĩndĩ amombĩte na kĩtutya kyake, na matonya kwonany’a wendo o take. (Mwambĩlĩlyo 1:27; Yovu 34:10) O na ĩngĩ, Ngai nĩwanengie andũ ũthasyo wa kwĩnyuvĩa. Ĩla asyai maitũ ma mbee mavĩtisye, nĩmaleile mayĩyĩelekany’a na Ngai, na kwoou meethĩwa me ene naĩ. Na ĩndĩ twakwatwa nĩ naĩ nũndũ wa ĩvĩtyo yĩu.—Soma Kũtũngĩlĩlwa Kwa Mĩao 32:4, 5.

W’o ũthũku wĩendeea kwĩthĩwa kw’o tene na tene?

Ngai endaa tũtie mĩendele yitũ mĩthũku. (Nthimo 27:11) Na kwoou nũtũmanyĩasya nzĩa sya kwĩvathana na maũndũ ala mathũku, na ũndũ tũtonya kũkwata ũtanu wa w’o. Ĩndĩ ũmũnthĩ tũitonya kwonany’a wendo kwa nzĩa ĩla nzeo vyũ ta Ngai.—Soma Savuli 32:8.

O na kau ũthũku nĩ mwingĩ ũmũnthĩ, Ngai nũwĩtĩkĩlĩtye kwa kavinda nĩ kana kĩla mũndũ one maũndũ ala ũthũku ũetete. (2 Vetelo 3:7-9) Ĩndĩ o mĩtũkĩ nthĩ nĩkusũwa nĩ andũ me na ũtanu na mamwĩw’aa Ngai.—Soma Savuli 37:9-11.