Kwĩthĩawa ata ĩla mũndũ wakw’a?

ANDŨ AMWE MAĨKĨĨAA kana mũndũ akw’a aendeeaa kwĩthĩwa thayũ e kyũmbe kĩngĩ, namo angĩ maasyaa kana kĩkw’ũ nĩkyo mũthya wa kĩla kĩndũ. We ũĩkĩĩaa ata?

ŨNDŨ MBIVILIA YAASYA

Mbivilia yaĩtye atĩĩ: “Akw’ũ matyĩsĩ ũndũ o na wĩva.” (Mũtavan’ya 9:5) Ĩla mũndũ wakw’a ndethĩawa thayũ.

NĨ ŨNDŨ ŨNGĨ MWAŨ TŨKWĨMANYĨSYA KUMA MBIVILIANĨ?

  • Mũndũ wa mbee, Atamu, asyokie ĩngĩ kĩtoonĩ ĩla wakwie. (Mwambĩlĩlyo 2:7; 3:19) O ta ũu, andũ onthe ala makusaa masyokaa ĩngĩ kĩtoonĩ.—Mũtavan’ya 3:19, 20.

  • Andũ ala makw’a maitalĩlawa naĩ syoo. (Alomi 6:7) Mũndũ akw’a ndaendeaa kũthĩnw’a nũndũ wa naĩ ila weekie.

Andũ ala makwie no methĩwe thayũ ĩngĩ?

WE ŨTONYA KŨSŨNGĨA ATA . . .

  • Ĩĩ

  • Aiee

  • Kana nĩvatonyeka

ŨNDŨ MBIVILIA YAASYA

“Kũkeethĩwa ũthayũũkyo.”—Meko ma Atũmwa 24:15.

NĨ ŨNDŨ ŨNGĨ MWAŨ TŨTONYA KWĨMANYĨSYA KUMA MBIVILIANĨ?

  • Mbivilia ĩelekanasya kĩkw’ũ na too. (Yoana 11:11-14) Ngai akaamũkya ala akw’ũ o tondũ tũamũkasya mũndũ ũkomete.—Yovu 14:13-15.

  • Mbivilia nĩeleetye ĩũlũ wa andũ meana ũndũ mũna mathayũũkiw’e na ũndũ ũsu nũtũĩkĩĩthasya vyũ kana ala makwie makathayũũkw’a.—1 Asumbĩ 17:17-24; Luka 7:11-17; Yoana 11:39-44.