Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Mũsyaĩĩsya  |  Na. 5 2016

Ũsumbĩ wa Ngai Nĩ Kyaũ?

Ũsumbĩ wa Ngai Nĩ Kyaũ?

Ũsumbĩ wa Ngai nĩ kyaũ?

ANDŨ AMWE MAĨKĨĨAA kana Ũsumbĩ wa Ngai nĩ kĩndũ kĩthĩawa ngoonĩ ya mũndũ, namo angĩ maĩkĩĩaa kana Ũsumbĩ wa Ngai nĩ kĩthito kĩla andũ mekĩaa nĩ kana methĩwe na mũuo na ngwatanĩo nzeo. We wĩ na woni mwaũ?

ŨNDŨ MBIVILIA YAASYA

“Ngai wa ĩtunĩ akaũngamya ũsumbĩ ũtakaanangĩka tene na tene, . . . ũkatilanga ilungu na kũmina mosumbĩ asu [ma andũ] onthe.” (Ndanieli 2:44) Ũsumbĩ wa Ngai nĩ silikalĩ ya w’o.

NĨ ŨNDŨ ŨNGĨ MWAŨ TŨKWĨMANYĨSYA KUMA MBIVILIANĨ?

  • Ũsumbĩ wa Ngai ũsumbĩkĩte kuma ĩtunĩ.—Mathayo 10:7; Luka 10:9.

  • Ngai atũmĩaa Ũsumbĩ wake nĩ kana eanĩsye kwenda kwake ĩtunĩ na kũũ nthĩ.—Mathayo 6:10.

Ũsumbĩ wa Ngai ũkooka ĩndĩĩ?

WE ŨTONYA KŨSŨNGĨA ATA?

  • Vai mũndũ wĩsĩ

  • O mĩtũkĩ

  • Ndũkoka

ŨNDŨ MBIVILIA YAASYA

“Ũvoo ũũ mũseo wa ũsumbĩ ũkatavanw’a nthĩ yonthe wĩthĩwe ũkũsĩ kwa mbaĩ syonthe; na ĩndĩ mũminũkĩlyo ũkyũka.” (Mathayo 24:14) Ĩla ũvoo mũseo ũkatavanw’a kĩla vandũ, Ũsumbĩ wa Ngai ũkooka wanange nthĩ ĩno nthũku ya Satani.

NĨ ŨNDŨ ŨNGĨ MWAŨ TŨTONYA KWĨMANYĨSYA KUMA MBIVILIANĨ?

  • Vaiĩ mũndũ ĩũlũ wa nthĩ wĩsĩ ĩla Ũsumbĩ wa Ngai ũkoka.—Mathayo 24:36.

  • Wathani wa Mbivilia wonanĩtye kana Ũsumbĩ wa Ngai ũkilĩlye kũka.—Mathayo 24:3, 7, 12.