Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Mũsyaĩĩsya  |  Na. 5 2017

 KYONGO KYA ĨTHANGŨ YA MBEE | ALAĨKA ME KW’O? NA MATŨTETHASYA ATA?

Yo Kĩla Mũndũ Nĩwĩthĩawa na Mũlaĩka wa Kũmũsũvĩa?

Yo Kĩla Mũndũ Nĩwĩthĩawa na Mũlaĩka wa Kũmũsũvĩa?

Mbivilia ndĩmanyĩasya kana kĩla mũndũ nĩwĩthĩawa na mũlaĩka wake wa kũmũsũvĩa. Yesũ aisye atĩĩ: “Sisyai mũikavũthye kamwe ka tũũ tũnini [aatĩĩi ma Klĩsto]: nũndũ nĩngũmwĩa, kana alaĩka matw’o ĩtunĩ mavinda onthe monaa ũthyũ wa Asa wakwa ũla wĩ ĩtunĩ.” (Mathayo 18:10) Ĩndĩ vandũ va Yesũ onany’e kana kĩla mũndũ ethĩawa na mũlaĩka wa kũmũsũvĩa, ndeto syake syoonanasya kana alaĩka nĩmendeeaw’a mũno nĩ kĩla ũmwe wa amanyĩw’a make. Kwoou athaithi ma w’o mayĩkaa maũndũ matonya kũmalikya mũisyonĩ maisũanĩa kana alaĩka ma Ngai nĩmekũmasũvĩa.

Ũu wĩonany’a kana alaĩka maitethasya andũ? Aiee. (Savuli 91:11) Andũ amwe nĩmonaa kana ve ĩvinda Ngai wamasũvĩie na amatongoesya atũmĩĩte mũlaĩka. Kenneth, ũla ũwetiwe mwambĩĩonĩ wa ĩkaseti yĩĩ nĩ ũmwe wa andũ asu. O na kau tũyĩsa kũkwatĩĩa mawoni maitũ ĩũlũ wa ũndũ ũsu vyũ, nĩvatonyeka ndeto syake ikethĩwa syĩ sya w’o. Mavinda maingĩ Ngũsĩ sya Yeova nĩmonaa maũndũ makamaĩkĩĩthya kana nĩmatongoeaw’a nĩ alaĩka ĩla meũtavany’a. Ĩndĩ nũndũ alaĩka mayonekaa, tũyĩsa kũweta nĩ kwa kĩwango kĩana ata Ngai ũmatũmĩaa matetheesye andũ maũndũnĩ me kĩvathũkany’o. Ĩndĩ ti mavĩtyo kũmũtũngĩa Ngai Mwene Vinya W’onthe mũvea nũndũ wa maũndũ ala ũtwĩkĩte.—Akolosai 3:15; Yakovo 1:17, 18.