Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Mũsyaĩĩsya  |  Na. 5 2017

Mĩio yonthe ya kaũ ĩkaanangwa

Mbivilia Ĩmanyĩasya Ata?

Mbivilia Ĩmanyĩasya Ata?

Nthĩ ĩkesa kwĩthĩwa na mũuo?

We ũtonya kũsũngĩa ata?

  • Ĩĩ

  • Aiee

  • Nĩvatonyeka

Ũndũ Mbivilia yaasyaa

Ũsumbĩnĩ wa Yesũ Klĩsto, “kũkeethĩwa mũuo mwingĩ, kũvika mwei ndũkethĩwa ĩngĩ,” na ũu nĩ kwonany’a kana kũkeethĩwa mũuo tene na tene.—Savuli 72:7.

Nĩ ũndũ ũngĩ mwaũ tũkwĩmanyĩsya kuma Mbivilianĩ?

  • Andũ ala athũku makavetangwa ĩũlũ wa nthĩ nĩ kana ala aseo ‘metany’e mũuonĩ mwingĩ.’—Savuli 37:10, 11.

  • Ngai akamina vyũ kaũ w’onthe. —Savuli 46:8, 9.

Nĩvatonyeka andũ makethĩwa na mũuo wa kĩlĩko ĩvindanĩ yĩĩ?

Andũ amwe maĩkĩĩaa . . . kana andũ mayĩsa kwĩthĩwa na mũuo wa kĩlĩko tũilyĩ nthĩ yusĩe mathĩna na ũsili ũte wa katĩ. We wĩ na woni mwaũ?

Ũndũ Mbivilia yaasyaa

O na ũmũnthĩ, ala methĩawa na ngwatanĩo ndũmu na Ngai no methĩwe na “mũuo wa Ngai, ũla ũvĩtũkĩte ũmanyi w’onthe.”—Avilivi 4:6, 7.

Nĩ ũndũ ũngĩ mwaũ tũkwĩmanyĩsya kuma Mbivilianĩ?

  • Ngai athanĩte kũmina mathĩna na ũsili ũte wa katĩ, na ‘aitw’ĩkĩthya maũndũ onthe meũ.’—Ũvuan’yo 21:4, 5.

  • No twĩthĩwe na mũuo wa kĩlĩko kwa kwĩthĩwa na “ũkya wa ngoo,” kana wendi wa kũmũmanya Ngai.—Mathayo 5:3.