Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Mũsyaĩĩsya  |  Na. 5 2017

 KYONGO KYA ĨTHANGŨ YA MBEE | ALAĨKA ME KW’O? NA MATŨTETHASYA ATA?

Kĩla Mbivilia Ĩmanyĩasya Ĩũlũ wa Alaĩka

Kĩla Mbivilia Ĩmanyĩasya Ĩũlũ wa Alaĩka

We no wende kũmanya alaĩka naaũ, maumie va, na wĩa ũla matethasya? Vai vandũ vangĩ ũtonya kũkwata mosũngĩo maseo ateo Ndetonĩ ya Ngai mbeveee, Mbivilia. (2 Timotheo 3:16) Mbivilia ĩmanyĩasya ata ĩũlũ wa alaĩka?

  • O tondũ Ngai nĩ Veva, o namo alaĩka nĩ syũmbe sya veva itonekaa, na iyĩthĩawa na “nyama na mavĩndĩ.” Alaĩka ala aĩkĩĩku mekalanasya ĩtunĩ na Ngai.—Luka 24:39; Mathayo 18:10; Yoana 4:24.

  • Ĩvinda ya tene, ve mavinda alaĩka meekĩaa mĩĩ ya andũ nĩ kana meanĩsye wĩa ũla manengetwe nĩ Ngai kũũ nthĩ, na mamina wĩa woo nĩmaumasya mĩĩ ĩsu.—Asili 6:11-23; 13:15-20.

  • O na kau alaĩka mawetetwe Mbivilianĩ ta aũme na mavinda onthe maumĩlaa ta aũme, vai mũlaĩka o na ũmwe wĩthĩawa na mwĩĩ wa mũndũũme kana wa mũndũ mũka. Alaĩka maitwaanaa na maisyaa. O na ĩngĩ, alaĩka mayaaũmbwa mekalae kũũ nthĩ me twana tũnini kana andũ aima, na ĩtina maikw’a na maithi ĩtunĩ. Alaĩka moombiwe nĩ Yeova na nĩkyo kĩtumi Mbivilia ĩmetĩte “ana ma Ngai.”—Yovu 1:6; Savuli 148:2, 5.

  • Mbivilia nĩwetete ĩũlũ wa “ithyomo sya andũ na sya alaĩka,” na ndeto isu syonanasya kana syũmbe ila syĩ mĩĩ ya veva syĩ kĩthyomo kĩla itũmĩaa. O na kau Ngai nĩwatũmĩaa alaĩka kũneena na andũ, ndetĩkĩlĩtye andũ mamavoye kana mamathaithe.—1 Akolintho 13:1; Ũvuan’yo 22:8, 9.

  • Kwĩ nguthu mbingĩ mũno vyũ sya alaĩka, o na nĩvatonyeka makethĩwa me mbilioni mbingĩ. *Ndanieli 7:10; Ũvuan’yo 5:11.

  • Mbivilia yonanasya kana alaĩka me “ũtonyi vinyanĩ,” na ũu nĩ kwasya kana me vinya na ũĩ mwingĩ kwĩ andũ. Alaĩka me ũtonyi wa kũthi na mĩtũkĩ kwĩ kĩndũ o na kĩva mũndũ ũtonya kũsũanĩa.—Savuli 103:20; Ndanieli 9:20-23.

  • O na kau alaĩka me ũtonyi mwingĩ wa kũsũanĩa na wa kwĩka maũndũ, ve maũndũ amwe matesa kwĩka, o na ve maũndũ amwe matesĩ.—Mathayo 24:36; 1 Vetelo 1:12.

  • Alaĩka mombĩtwe me na ndaĩa syĩ kĩvathũkany’o, na me na ũthasyo wa kwĩnyuvĩa. Na kwoou o tondũ andũ mailyĩ, alaĩka no menyuvĩe kwĩka kĩla kĩseo kana kĩla kĩthũku. Ĩndĩ ũndũ wa kũmakya nĩ kana ve alaĩka amwe manyuvie kũleana na Ngai.—Yuta 6.

^ kal. 8 Ndeto ya Kĩkiliki ĩla ĩtũmĩĩtwe ĩandĩkonĩ ya Ũvuan’yo 5:11 yĩthĩawa ĩyonany’a “ngili ĩkũmi kũndũ ngili ĩkũmi,” na kwoou ndeto isu syĩonany’a kana noĩthwa kwĩ alaĩka milioni maana maingĩ kana mbilioni mbingĩ!