Mbivilia no ĩkũtetheesye kũmĩanĩsya na mawĩmakĩo?

We ũtonya kũsũngĩa ata?

  • Ĩĩ

  • Aiee

  • Nĩvatonyeka

Ũndũ Mbivilia yaasyaa

“Mũkĩmwiĩa [Ngai] kwĩmakĩa kwenyu kw’onthe, nũndũ nĩwe ũmũsũvĩaa.” (1 Vetelo 5:7) Mbivilia nĩtũĩkĩĩthasya kana Ngai no aũtetheesye ũeke kwĩmakĩa.

Nĩ ũndũ ũngĩ mwaũ tũkwĩmanyĩsya kuma Mbivilianĩ?

  • Kwĩsĩla mboya, no ũkwate “mũuo wa Ngai,” ũla ũtonya kũtuma ũolanga mawĩmakĩo.—Avilivi 4:6, 7.

  • O na ĩngĩ, kũsoma Ndeto ya Ngai no kũũtetheesye ũeke kwĩmakĩa.—Mathayo 11:28-30.

Mo mawĩmakĩo makathela?

Andũ amwe maĩkĩĩaa . . .kana mawĩmakĩo no maũndũ maĩle kũtũkwata, namo angĩ maĩkĩĩaa kana mawĩmakĩo mathelaa ĩla mũndũ wakw’a. We wĩ na woni mwaũ?

Ũndũ Mbivilia yaasyaa

Ngai akamina maũndũ onthe ala matumaa twĩmakĩa. Mbivilia yaĩtye atĩĩ: “Kĩkw’ũ kĩikethĩwa vo ĩngĩ; o na kũikethĩwa ĩngĩ kũmeta, kana kũĩa, kana woo.”—Ũvuan’yo 21:4.

Nĩ ũndũ ũngĩ mwaũ tũkwĩmanyĩsya kuma Mbivilianĩ?

  • Ungu wa Ũsumbĩ wa Ngai, andũ makekalaa me auu na me na mũuo.—Isaia 32:18.

  • Kwĩmakĩa vate kĩtumi kĩseo kana kwĩmakĩa mũno kũkathela.—Isaia 65:17.