Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Mwĩkalĩle wa Aklĩsto na Wĩa wa Kũtavany’a—Kavuku ka Kwĩmanyĩsya ka Ũmbano  |  Mwei wa 9 2017

 MWĨKALĨLE WA AKLĨSTO

Nĩkĩ Wonaa Ũthaithi wa W’o wĩ wa Vata?

Nĩkĩ Wonaa Ũthaithi wa W’o wĩ wa Vata?

Ayuti ala maĩ ũkombonĩ nĩmeekĩiwe vinya nĩ woni wa Esekieli wa ĩkalũ nũndũ nĩwamanengie wĩkwatyo wa kana ũthaithi wa w’o ũkatũngĩĩwa. Mĩthenyanĩ ĩno ya mũminũkĩlyo, ũthaithi wa w’o wĩthĩĩtwe wĩ ‘mũtũlu’ kana wĩ ĩũlũ kwĩ mothaithi ala angĩ, na twĩ amwe ma andũ kuma mbaĩnĩ syonthe ala malikĩte ũthaithinĩ ũsu. (Isa 2:2) Kũmũmanya Yeova na kũmũthũkũma nĩ kĩanda kya vata mũno. We nũvindĩĩasya ũndũ ũsu kĩla ĩvinda?

MOATHIMO ALA TŨKWATAA ŨTHAITHINĨ WA W’O:

  • Nĩtũkwataa mosũngĩo ma makũlyo ala ma vata thayũnĩ, myolooto ĩtũtethasya twamĩatĩĩa, na twĩ na wĩkwatyo mũlũmu nũndũ wa lĩu mwingĩ wa kĩ-veva.​—Isa 48:17, 18; 65:13; Alo 15:4

  • Ngwatanĩo ya ana-a-asa nthĩ yonthe.​—Sav 133:1; Yoa 13:35

  • Kĩanda kya kũthũkũma vamwe na Ngai wĩanĩ mũseo.​—Meko 20:35; 1Ako 3:9

  • “Mũuo wa Ngai” ũla ũtwĩkĩaa vinya ĩvindanĩ ya mathĩna.​—Avi 4:​6, 7

  • Wasya mũtheu wa ngoo.​—2Tim 1:3

  • “Ndũũ” kana ngwatanĩo nzeo na Yeova.​—Sav 25:14, The Holy Bible in Current Kikamba Language

Ndonya kwonany’a ata kana nĩnonaa ũthaithi wa w’o wĩ wa vata?