Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Mwĩkalĩle wa Aklĩsto na Wĩa wa Kũtavany’a—Kavuku ka Kwĩmanyĩsya ka Ũmbano  |  Mwei wa 9 2017

 MWĨKALĨLE WA AKLĨSTO

Mamanyĩsye Kũmũthũkũmaa Yeova Mate Kũeka

Mamanyĩsye Kũmũthũkũmaa Yeova Mate Kũeka

Maũndũ ala monekete meonany’a kana atavany’a eũ ala mamanyĩaw’a kuma mwambĩĩonĩ kwĩthĩwa na kĩthito na kũtavanasya mate kũeka, mavinda maingĩ methĩawa atavany’a aseo. (Nth 22:6; Avi 3:16) Aa nĩ maũndũ amwe mekwonany’a ũndũ tũtonya kũtetheesya mũmanyĩw’a ethĩwe na mũsingi mũseo ũtavany’anĩ:

  • Mũmanyĩw’a atw’ĩka mũtavany’a oou, ambĩĩa kũmũmanyĩsya. (km 8/15 1) Mũtetheesye amanye vata wa kwĩthĩawa na mũvango wa kũtavanasya kĩla kyumwa. (Avi 1:10) Neenaa maũndũ maseo ĩũlũ wa andũ ma kĩsio kĩla mũtavanasya. (Avi 4:8) Mũtetheesye atavany’e vamwe na mũsyaĩĩsya wa kĩkundi kyake na atavany’a ala angĩ nĩ kana atetheke kumana na ũmanyi woo.​—Nth 1:5; km 10/12 6 ¶3

  • Mũmanyĩw’a waku avatiswa, ndũkaeke kũmwĩkĩa vinya na kũmũmanyĩsya ĩũlũ wa ũtavany’a, na mũno mũno ethĩwa ndaminĩte kũsoma ĩvuku ‘Wendo wa Ngai.’​km 12/13 7

  • Ĩla wĩ na mũtavany’a mweũ ũtavany’anĩ, tũmĩa nzĩa yĩ laisi. Mũkathe kuma ngoonĩ amina kũtavya mũndũ, na ĩndĩ ũimũtavya maũndũ amwe maseo ũtonya kwĩka nĩ kana ethĩwe mũtavany’a mũseango.​—km-SW 5/10 7