Nĩkĩ mũka wa Loto wasiisye ĩtina ĩla wakĩĩte kuma ndũanĩ ya Sotomo? Mbivilia ndĩwetete kĩtumi. (Mwa 19:17, 26) Maũndũ ala Yesũ waneeneaa, meonany’a kana nĩvatonyeka mũka wa Loto akethĩwa endeeaw’a nĩ syĩndũ ila watiĩte ĩtina. (Lk 17:31, 32) Tũtonya kwĩvathana na maũndũ meva nĩ kana tũikaeme kũmwendeesya Ngai o tondũ mũka wa Loto weekie? Tũyaĩle kwĩtĩkĩlya kũmantha syĩndũ sya kĩ-mwĩĩ kwĩthĩwe nekw’o ũndũ ũla wa vata vyũ thayũnĩ witũ. (Mt 6:33) Yesũ amanyĩisye kana tũitonya “kũthũkũma Ngai o na ũthwii.” (Mt 6:24) Nao nata twamanya kana nĩtwambĩĩe kũtũmĩa ĩvinda yingĩ maũndũnĩ ma kĩ-mwĩĩ kwĩ maũndũnĩ ma kĩ-veva? No tũmũvoye Yeova atũnenge ũmanyi wa kwona nĩ va twaĩle kwĩka moalyũku, na aitũnenga ũkũmbaũ na vinya wa kwĩka moalyũku asu.

ĨLILIKANY’EI ĨLA VITIO YA ILUNGU ITATŨ YĨ NA KYONGO ILIKANAI MŨKA WA LOTO, NA ĨNDĨ MŨISŨNGĨA MAKŨLYO AA MAATĨĨE:

  • Ndonya kwĩka ata nĩ kana nonany’e kana ‘nĩnĩlilikanaa mũka wa Loto’?

    Wendi wa kwĩthĩwa na mbesa mbingĩ wavĩndũie ata mesilya, ũneeni, na meko ma Gloria?

  • Maũndũ ala mamũkwatie mũka wa Loto metũmanyĩsya kyaũ?

  • Kũtũmĩa myolooto ya Mbivilia kwatetheeisye Joe na mũsyĩ wake ata?

  • Andũ ala Anna wathũkũmaa namo matumie ata aendeea naĩ kĩ-veva?

  • Nĩkĩ twaĩle kwĩthĩwa na ũkũmbaũ ĩla twaingĩĩw’a twone kũmantha mbesa new’o ũndũ ũla wa vata?

  • Nĩ kwa nzĩa syĩva Brian na Gloria mambĩĩe ĩngĩ kwosa maũndũ ma kĩ-veva kwa ũito?

  • Nĩ myolooto yĩva ya Mbivilia woona ĩeleetw’e vitionĩ ĩno?