Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Mwĩkalĩle wa Aklĩsto na Wĩa wa Kũtavany’a—Kavuku ka Kwĩmanyĩsya ka Ũmbano  |  Mwei wa 6 2017

 MWĨKALĨLE WA AKLĨSTO

We Ũĩkĩĩe Mawatho ma Yeova Mũno Wĩana Ata?

We Ũĩkĩĩe Mawatho ma Yeova Mũno Wĩana Ata?

Yosua na Solomoni nĩmeetĩkĩlile kana vai ndeto o na ĩmwe ya Yeova katĩ wa ila waneenete ĩtaaĩanĩa. (Yos 23:14; 1Asu 8:56) Ũkũsĩ wa andũ asu elĩ no ũlũlũmĩlye ũla wambĩlĩlyo mũlũmu tũtonya kwaka mũĩkĩĩo witũ ĩũlũ waw’o.—2Ako 13:1; Tito 1:2.

Yeova eanĩisye ata mawatho make mĩthenyanĩ ya Yosua? We na mũsyĩ waku sisyai vitio ĩno: ‘Kũtyaalea Kwĩanĩw’a Ũndũ o na Ũmwe.’ Na ĩndĩ mũisũngĩa makũlyo aa: (1) Nĩ kyaũ ũtonya kwĩka ũkonany’a wĩ na mũĩkĩĩo ta wa Laavi? (Aevl 11:31; Yak 2:24-26) (2) Ngewa ya Akani yĩĩkĩĩthĩtye ata kana kũlea kwĩw’a na ngũlũ no kũete mũisyo mũnene? (3) O na kau aũme ma Ngiveoni maĩ ngũmbaũ sya kaũ, nĩkĩ mamũkengie Yosua na meew’ana na Aisilaeli? (4) Ndeto ya Yeova yeanĩie ata ĩla asumbĩ atano ma Aamoli matĩsisye Isilaeli? (Yos 10:5-14) (5) Yeova aũtetheesye ata we mwene nũndũ wa kĩthito kyaku kya kwamba kũmantha Ũsumbĩ wa Ngai na ũlũngalu wake?—Mt 6:33.

Kũsũanĩa maũndũ ala Yeova wĩkĩte, ala ũendeee kwĩka, na ala ũkeka ĩvinda yũkĩte, no kũlũlũmĩlye mũĩkĩĩo witũ ĩũlũ wa mawatho make.—Alo 8:31, 32.

We wĩ na mũĩkĩĩo ta wa Yosua?