Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Mwĩkalĩle wa Aklĩsto na Wĩa wa Kũtavany’a—Kavuku ka Kwĩmanyĩsya ka Ũmbano  |  Mwei wa 4 2016

 MWĨKALĨKE WA AKLĨSTO

Kĩlungu Kyeũ kya Kũtũtetheesya Kwambĩĩa Ũneenany’a

Kĩlungu Kyeũ kya Kũtũtetheesya Kwambĩĩa Ũneenany’a

Kuma Mwei wa 1, 2016, ĩthangũ ya ĩtina ya ĩkaseti ya Mũsyaĩĩsya ya andũ onthe yĩ na kĩlungu kĩ na kyongo “Mbivilia Ĩmanyĩasya Ata?” Kĩlungu kĩu kyeũ kĩkatũtetheeasya kwambĩĩa ũneenany’a tũtũmĩĩte maũndũ ala me Mbivilianĩ. Kĩlungu kĩu kĩvangĩtwe o ũndũ tulakiti sitũ ivangĩtwe. Vakeethĩawa ĩkũlyo mwene nyũmba waĩle kumya woni wake, na ĩyĩatĩĩwa nĩ ĩandĩko yĩsũngĩĩte ĩkũlyo yĩu, o vamwe na maũndũ angĩ ũtonya kũtũmĩa kũneenea ũndũ ũsu.

Mavinda maingĩ ĩla mwaneenea na mũndũ ũndũ wa kwendeesya kuma Mbivilianĩ, yĩthĩawa ne laisi kwambĩĩa kwĩmanyĩsya Mbivilia nake. Tũmĩa kĩlungu kĩĩ kyeũ nĩ kana ũtetheesye andũ aingĩ memanyĩsye maũndũ maingĩ kuma Mbivilianĩ.—Mt 5:6.

ŨNDŨ ŨTONYA KŨTŨMĨA KĨLUNGU KĨĨ:

  1. Kũlya mwene nyũmba woni wake ĩũlũ wa ĩkũlyo yĩmwe katĩ wa ala me vau

  2. Mwĩthukĩĩsye na ũimũtũngĩa mũvea kwondũ wa ũsũngĩo wake

  3. Soma ĩandĩko yĩla yĩ nthĩnĩ wa kyongo “Ũndũ Mbivilia Yaasya,” na ũimũkũlya mawoni make ĩũlũ wa mũsoa ũsu. Ethĩwa mwene nyũmba e na ĩvinda, neeneai maũndũ ala me kĩlungunĩ kĩla kĩ na kyongo “Nĩ Ũndũ Ũngĩ Mwaũ Tũkwĩmanyĩsya Kuma Mbivilianĩ?”

  4. Mũnenge ĩkaseti

  5. Vanga ũsyoke na mũineenea ĩkũlyo ya kelĩ