Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Nyuva kĩthyomo Kikamba

 MAŨNDŨ MA VATA KUMA NDETONĨ YA NGAI | YOVU 1-5

Yovu Aĩ Mũĩkĩĩku o na Ĩla Wakwatiwe Nĩ Matatwa

Yovu Aĩ Mũĩkĩĩku o na Ĩla Wakwatiwe Nĩ Matatwa

Yovu ekalaa nthĩ ya Usi ĩvinda yĩla Aisilaeli maĩ ũkombonĩ nthĩ ya Misili. O na kau Yovu ndaĩ Mũisilaeli, aĩ mũthaithi mũĩkĩĩku wa Yeova. Aĩ mũthwii mũno, aĩ na syana mbingĩ, na nĩwatetheeasya andũ ala angĩ. Aĩ mũtai mũseo wanengetwe ndaĩa na nĩwasilanasya andũ nesa. O na aĩ mũlau na nĩwatetheeasya ngya na athĩni. Kwa w’o Yovu aĩ mũĩkĩĩku.

Yovu nĩwoonanisye nesa vyũ kana nĩwamwendete Yeova

1:8-11, 22; 2:2-5

  • Satani nĩwoonie ũĩkĩĩku wa Yovu. Satani ndaleaa kana Yovu nĩwamwĩw’aa Yeova, ĩndĩ eekĩie nzika kĩtumi kyake kya kũmũthũkũma Yeova

  • Satani aisye kana Yovu ndamũthũkũmaa Yeova nũndũ nũmwendete

  • Nĩ kana Yeova aĩkĩĩthye kana Satani nĩwaneenie ũvũngũ, nĩwamwĩtĩkĩlilye amũtate Yovu. Satani nĩwaanangie syĩndũ syonthe ila Yovu waĩ nasyo

  • Ĩla Yovu waendeeie kwĩthĩwa e mũĩkĩĩku, Satani oonanisye kana andũ maimũthũkũmaa Yeova nĩkwĩthĩwa nĩmamwendete

  • Yovu ndaaĩka naĩ kana akamwilĩĩla Ngai ũthũku