Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Mwĩkalĩle wa Aklĩsto na Wĩa wa Kũtavany’a—Kavuku ka Kwĩmanyĩsya ka Ũmbano  |  Mwei wa 12 2016

 MWĨKALĨLE WA AKLĨSTO

Kũkiita Ngoo ya Mũmanyĩw’a Ũtũmĩĩte Ĩvuku “Ĩyĩkalyei Ene Wendonĩ wa Ngai”

Kũkiita Ngoo ya Mũmanyĩw’a Ũtũmĩĩte Ĩvuku “Ĩyĩkalyei Ene Wendonĩ wa Ngai”

NĨKĨ NĨ ŨNDŨ WA VATA: Nĩ kana andũ mamũthaithe Yeova kwa nzĩa ĩla wendaa, no nginya memanyĩsye ĩũlũ wa myolooto yake na mayĩkala kwosana nayo. (Isa 2:3, 4) Ĩvuku ya kelĩ yĩla tũtũmĩaa kwĩmanyĩsya Mbivilia na andũ nĩ ‘Wendo wa Ngai,’ na nĩyĩtetheeasya amanyĩw’a ma Mbivilia mamanye ũndũ matonya kũtũmĩa myolooto ya Ngai thayũnĩ woo. (Aevl 5:14) No nginya tũtate vyũ kũkiita ngoo syoo ĩla tũũmamanyĩsya nĩ kana mew’e meekĩwa vinya wa kwĩka moalyũku ala maĩle.—Alo 6:17.

ŨTONYA KWĨKA ŨU ATA?:

  • Ĩyũmbany’e nesa ũlilikene mavata ma mũmanyĩw’a waku. Andĩka makũlyo ala matonya ũkũtetheesya ũmanye mosũanĩo na mawoni make ĩũlũ wa kĩla mũkwĩmanyĩsya.—Nth 20:5; be 259

  • Tũmĩa tũsandũkũ tw’onthe tũla twĩ ĩvukunĩ yĩu nĩ kana ũtetheesye mũmanyĩw’a one vata wa kũatĩĩa myolooto ya Mbivilia

  • Tetheesya mũmanyĩw’a atũmĩae wasya wake wa ngoo nesa ĩla ũkwĩka motwi, ĩndĩ ndũkatate kũmwĩkĩa motwi.—Aka 6:5

  • Tũmĩa ũĩ kũmanya kana mũmanyĩw’a nũkwenda kũtetheew’a atũmĩe myolooto ĩmwe ya Mbivilia. Mũthuthye kwa nzĩa nzeo amanye kana wendo wake kwa Yeova nĩw’o waĩle kũtuma eka moalyũku ala maĩle.—Nth 27:11; Yoa 14:31