Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Mwĩkalĩle wa Aklĩsto na Wĩa wa Kũtavany’a—Kavuku ka Kwĩmanyĩsya ka Ũmbano  |  Mwei wa 11 2016

 MWĨKALĨLE WA AKLĨSTO

Andũ ma Mũika, Mũikalee Kũvĩtĩla Ũla ‘Mũomonĩ Mũnene’

Andũ ma Mũika, Mũikalee Kũvĩtĩla Ũla ‘Mũomonĩ Mũnene’

Nĩ ũndũ wĩ laisi kũsũanĩa kana vinya ũla twĩthĩawa naw’o ĩvindanĩ yĩla twĩ ma mũika ndũkathela, na tũikavikĩwa nĩ “mĩthenya mĩthũku” ĩla ĩvikĩaa andũ makũa ũmũnthĩ nthĩnĩ wa nthĩ ĩno ĩtongoew’e nĩ Satani. (Mũta 12:1) Ethĩwa wĩ mũndũ wa mũika, we nũkwona ta wĩ na ĩvinda yingĩ ũtonya kũtũmĩa kwĩanĩsya mĩvango ya kĩ-veva ta kwĩthĩwa ũthũkũminĩ wa ĩvinda yonthe?

Ithyonthe, o na ala anini nĩtũkwatawa nĩ “ĩvinda na ĩvuso [kana, ũndũ ũtataĩĩwe].” (Mũta 9:11) “Mũiĩsĩ maũndũ ũndũ meĩthĩwa ũnĩ.” (Yak 4:14) Kwoou, ndwaĩle kũtindĩa kũkũĩĩsya mĩvango yaku ya maũndũ ma kĩ-veva. Lika nthĩnĩ wa “mũomo mũnene ũla waĩlĩte wa wĩa” nĩkwĩthĩwa yu nĩmũvingũe kwondũ waku. (1Ako 16:9) Na weeka ũu, ndũkesa kwĩlila.

Mĩvango ya kĩ-veva ũtonya kwĩanĩsya:

  • Kũtavany’a ũtũmĩĩte kĩthyomo kĩeni

  • Kũtw’ĩka vainia

  • Kũthi sukulu sya Mbivilia

  • Kũtetheesya kwaka myako ĩkonetye maũndũ ma Ũsumbĩ

  • Ũthũkũmi wa Mbetheli

  • Kũtw’ĩka mũsyaĩĩsya wa mũthyũlũlũko

Andĩka mĩvango yaku ya kĩ-veva.