Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Mwĩkalĩle wa Aklĩsto na Wĩa wa Kũtavany’a—Kavuku ka Kwĩmanyĩsya ka Ũmbano  |  Mwei wa10 2016

 MWĨKALĨLE WA AKLĨSTO

Ũndũ Ũtonya Kwĩka Nĩ Kana Umye Maelesyo Maseo

Ũndũ Ũtonya Kwĩka Nĩ Kana Umye Maelesyo Maseo

Maelesyo maseo nĩmakaa kĩkundi. (Alo 14:19) O na ala maumasya maelesyo asu nĩmakawa. (Nth 15:23, 28) Kwoou nthĩnĩ wa kĩla ũmbano, nĩtwaĩle kũtata kumya maelesyo o na ethĩwa no ĩla yĩmwe. Ti kĩla ĩvinda twookĩlya kw’oko tũkakũlaw’a tũsũngĩe. Kwoou, nũseo twĩyũmbany’e kumya maelesyo maingĩ ũndũ vatonyeka.

Maelesyo maseo . . .

  • methĩawa me makuvĩ na maieleeka. Mavinda maingĩ methĩawa matavĩtũkĩte sekendi 30

  • maumaa ngoonĩ na mũndũ ndatũngĩlĩĩlaa ndeto o ila iandĩkĩtwe

  • ti o kũtũngĩlĩĩla vate vata ũsũngĩo ũla waumw’a

Ethĩwa nue wakũlw’a mbee ũsũngĩe, . . .

  • sũngĩa kwa ndeto o nguvĩ, na ikũeleeka

Ethĩwa ĩkũlyo nĩyasũngĩwa, no . . .

  • wonany’e ũndũ ĩandĩko yĩla yĩ vau yosanĩte na kĩla kĩũneenewa

  • ũwete ũndũ kĩla kĩũneenewa kĩtonya kũtũtethya thayũnĩ witũ

  • ũelesye ũndũ ũvoo ũsu ũtonya kũtũmĩwa kũtetheesya andũ angĩ

  • ũelesye ũndũ weekĩkie wosanĩte na kĩla mũkwĩmanyĩsya