Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Kikamba

Mwĩkalĩle wa Aklĩsto na Wĩa wa Kũtavany’a—Kavuku ka Kwĩmanyĩsya ka Ũmbano  |  Mwei wa 1 2018

 MWĨKALĨLE WA AKLĨSTO

Nĩ kwa Nzĩa Yĩva Ũtonya Kwamba Kwĩw’ana na Mwana-a-au?

Nĩ kwa Nzĩa Yĩva Ũtonya Kwamba Kwĩw’ana na Mwana-a-au?

Kwakũna visa ũtwĩe Kalilii na nĩ ĩvindanĩ yĩla Yesũ waĩ kũũ nthĩ. Wauma vaasa wũkĩte Yelusaleme kũtanĩa Mboka ya Malwanda. Mũsyĩ ũsu wa Yelusaleme wusũĩte athaithi angĩ ma Yeova kuma isio syĩ vaasa. O ta athaithi asu angĩ, wĩenda kũmumĩsya Yeova nthembo. Kwoou, ĩtina wa kwosa mbũi yaku, ũyambĩĩa savalĩ wĩsĩle tũsĩlanĩ twĩ andũ aingĩ taoninĩ ĩsu ũendete ĩkalũnĩ. Wavika ĩkalũnĩ, ũyĩthĩa yusĩe andũ mayenda kumya nthembo o taku. Na ĩndĩ andũ ala angĩ mamina kumya nthembo kwa mũthembi, ũivikĩwa umye mbũi yaku. Ndatĩkanĩ ĩsu, ũililikana kana mwana-a-au, ũla ũtonya kwĩthĩwa e o vu andũnĩ ala angĩ kana e taoninĩ ya Yelusaleme, e na ũndũ naku. Veethĩwa vailyĩ ũu, Yesũ nĩ ũeleetye ũndũ waĩle kwĩka. (Soma Mathayo 5:24.) Ũtonya kwĩka ata nĩ kana wĩw’ane na mwana-a-au o tondũ Yesũ waisye? Maũndũnĩ ala mawetetwe vaa ĩtheo, ĩkĩa ũvano vala ũkwona ve ũsũngĩo ũla waĩle.

WAĨLE . . .

  • kũneena na mwana-a-au o ĩla ũkwona e na kĩtumi kĩseo kya kũthata

  • kũtata ũlũnge woni wa mwana-a-au ethĩwa wĩona athataa mĩtũkĩ kana o nake no ũvĩtĩtye

  • kwĩthukĩĩsya nesa ĩla mwana-a-au ũkwĩyĩelesya, na o na ethĩwa ndũnamũelewa nesa, mwĩtye ũekeo kuma ngoonĩ nũndũ eĩw’a avĩtĩw’e kana nũndũ ve ũndũ ũtaĩle wĩkĩkie o na kau ndwĩĩ na kĩeleelo kya kũtuma ũndũ ũsu wĩkĩka

MWANA-A-AU AĨLE . . .

  • kũtavya ala angĩ kĩkundinĩ ũndũ ũmũvĩtĩsye nĩ kana metĩkĩlane nake ũndũnĩ ũsu

  • kũũsomea nũndũ wa mavĩtyo maku, akaũtavya maũndũ onthe ala matumie ũmũvĩtĩsya, na ayenda wĩtĩkĩle kana nũmũvĩtĩsye

  • kũelewa kana wosie ĩtambya ya kũneena nake nũndũ wĩ na wĩnyivyo na ũkũmbaũ, na kwoou aikũekea kuma ngoonĩ

O na kau tũyumasya nthembo sya nyamũ ũthaithinĩ witũ, Yesũ amanyĩisye kyaũ ĩũlũ wa ũndũ kwĩthĩwa na mũuo na ana-a-asa kũkonanĩtye na kũmũthaitha Ngai kwa nzĩa ĩla wĩtĩkĩlaa?