Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Nyuva kĩthyomo Kikamba

 MWĨKALĨLE WA AKLĨSTO

Lilikanaa Kũvoyea Aklĩsto Ala Meũthĩnw’a

Lilikanaa Kũvoyea Aklĩsto Ala Meũthĩnw’a

Mbivilia nĩyathanie kana Satani akatũthĩny’a nĩ kana asiĩĩe wĩa witũ. (Yoa 15:20; Ũvu 12:17) Tũtonya ata kũtetheesya Aklĩsto ala me nthĩ ingĩ na me kũthĩnw’a? No tũmavoyee nũndũ “kwĩsũvana kwa mũndũ mũlũngalu nĩkũvotaa mũno akĩvoya na kĩthetheesyo.”—Yak 5:16.

Nĩ maũndũ meva tũtonya kũvoya? No tũmũkũlye Yeova ekĩe ana-a-asa na eĩtu-a-asa maitũ vinya, na aimatetheesya maikalikwe nĩ wia. (Isa 41:10-13) O na ĩngĩ, no tũvoye nĩ kenda ala me na ũkũmũ methĩwe na mawoni maseo ĩũlũ wa wĩa witũ wa kũtavany’a na “nĩ kana twĩthĩwe na thayũ mũuu na mũuo.”—1Tim 2:1, 2.

Ĩla Vaulo na Vetelo mathĩnaw’a, Aklĩsto ala angĩ nĩmamavoyeie kwa kũmaweta masyĩtwa. (Meko 12:5; Alo 15:30, 31) O na ethĩwa tũyĩsĩ masyĩtwa ma ana-a-asa onthe ala mathĩnaw’a, no tũwete kĩkundi kyoo, nthĩ, kana kĩsio kĩla maumĩte.

Andĩka nthĩ ila syĩ na Aklĩsto mathĩnaw’a na ũkwenda kũmavoyeaa.