Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo ũla wĩ vo

Ngũsĩ sya Yeova

Nyuva kĩthyomo Kikamba

 MWĨKALĨLE WA AKLĨSTO

Ũndũ Tũtonya Kũseũvĩĩsya Ũtavany’a Witũ—Kwĩka Mũvango wa Kĩla Mwĩneenea Wasyoka

Ũndũ Tũtonya Kũseũvĩĩsya Ũtavany’a Witũ—Kwĩka Mũvango wa Kĩla Mwĩneenea Wasyoka

NĨKĨ NĨ ŨNDŨ WA VATA:

Twĩenda kũng’ithasya mbeũ sya ũw’o ila twavanda. (1Ako 3:6) Ĩla twatavya mũndũ na endeew’a, nũseo tũkamũkũlya ĩkũlyo yĩla tũkaneenea twamũsyokea. Kwĩka ũu nĩkũtumaa mũndũ ũsu ethĩwa na wendi wa kũmanya ũsũngĩo wa ĩkũlyo yĩu, na wĩthĩaa nĩ laisi kwitũ kwĩyũmbany’a kũmũsyokea. Ĩla twasyoka, no tũtavye mwene nyũmba kana twooka kũmũsũngĩa ĩkũlyo yĩla tũnamũkũlilye.

ŨNDŨ TŨTONYA KWĨKA:

  • Ĩla ũkwĩyũmbanĩsya ũtavany’a wa nyũmba na nyũmba, ĩthĩwa wĩ na ĩkũlyo yĩla ũkatiaa wakũlya mwene nyũmba na ũimwĩa ũkamũsũngĩa wasyoka. Ĩkũlyo yĩu no yĩthĩwe yĩsũngĩĩtwe nthĩnĩ wa ĩvuku yĩla ũũnengane. Kana ethĩwa ti ũu, no yĩthĩwe yĩsũngĩĩtwe ĩvukunĩ yĩmwe tũtũmĩaa kũmanyĩsya andũ Mbivilia yĩla ũvangĩte kũka kũmwony’a wamũsyokea.

  • Ũiminĩĩa kũneena na mũndũ wendeew’a, mũelesye kana no wende kũneena nake ĩngĩ na ĩndĩ ũimũkũlya ĩkũlyo yĩla wĩũka kũmũsũngĩa wasyoka. Ethĩwa nĩvatonyeka, mũkũlye vala wĩkalaa kana ũndũ mũtonya kwonana ĩngĩ.

  • Ĩla wamũtavya kana nũũmũsyokea na mweetĩkĩlana saa, ndũkalee kwĩanĩsya mũvango ũsu.—Mt 5:37.