Content de lai

Rung Hte Hkawm Chyai Lamang Shiga

Anhte a rung ni hte laika dip shabra ai shara ni hpe hkawm chyai na matu nang hpe saw shaga ga ai. Shara hte aten hpe tam yu u.

South Africa

Hkawm Chyai Na Matu Amying Jahpan Jaw Ai Lam

Garai n hkawm chyai shi yang, amying jahpan tau hkrau jaw ra na kun? Jaw ra na re. Masha nau n chyat na matu, hkawm chyai ai lamang kaw nna masha yawng ngwi pyaw na matu, manam grai law ai raitim, n law ai raitim, garai n hkawm chyai shi yang, tau hkrau amying jahpan jaw da u. Garai n hkawm chyai shi yang, yawm htum bat mi tau hkrau amying jahpan jaw ra ai. Shawa rung pat ai aten hta hkawm chyai mayu yang, chyeju hte tau hkrau amying jahpan jaw da u.

Tau hkrau amying n jaw da ai sha, mai hkawm chyai ai kun? Tau hkrau amying n jaw da yang gaw, n mai hkawm chyai ai. Madun htingnu gaw n kaba ai majaw, lani mi hta marai kade sha sa chyai mai ai ngu masat da ai majaw re.

Hkawm chyai na matu gara aten hta du ra na kun? Hkawm chyai na matu tinang jahpan jaw da ai aten hta na, hkying hkum mi hta jau nna, n sa na matu mung htet da mayu ai.

Gara hku jahpan bang na kun? “Tau Hkrau Amying Jahpan Jaw U” ngu ai shara kaw dip u.

Tau hkrau amying jahpan jaw da ai hpe galai shai ai (sh) bai dawm la ai lam ni mai galaw ai kun? Mai galaw ai. “Tau Hkrau Amying Jahpan Jaw Da Ai Hpe Yu U (sh) Galai Shai U” ngu ai shara kaw dip u.

Tinang hkawm chyai mayu ai nhtoi ni hta hkawm chyai na ahkang n lu yang gara hku galaw na kun? Website hpe chyahkring hkring bai yu u. Tau hkrau amying jahpan jaw da ai ni gaw galai shi ai (sh) dawm kau ai ni byin chye ai.

Hkawm Chyai Lamang Ni

1 Robert Broom Drive East

Rangeview

KRUGERSDORP

1739

SOUTH AFRICA

+27 11-761-1002

E-mail: InboxBTHLTours.ZA@jw.org

Manam Tau Gawk:

Behtela manam tau ai shara kaw, shachyen ya ai video hpe shawng madun ai. Chyai hkawm ai aten laman, Behtela hta bungli gara hku galaw ai, nawku dawjau lam hpe gara hku madi shadaw ya ai lam ni hpe, video ni hta madun ya ai. Yehowa A Jinghku Byin U ngu ai shara kaw, ma ni gaw Seng Awng hte Mun Pan hte arau sumla kayat mai ai.

Laika Dip Ai Dap 2 Manam Tau Gawk: Buga amyu ga hku nna laili laika ni hpe gara hku ga gale ai, dip shabra ai ni hpe video 3 hta madun da ai. Laika dip jak ni hpe ntsa htap kaw nna yu mai ai. Buga amyu ga hte Chyum Laika nkau mi hta, Karai Kasang a amying hpe lang da ai lam madun dan ai Chyum Laika Madun Gawk mung nga ai.

Laika Dip Ai Dap 3 Manam Tau Gawk: Ntsa htap kaw nna laili laika ni hpe gara hku majaw ai lam hpe yu mai ai. Majaw da ai laili laika ni hpe gara shara de sa ai lam ni hpe mung madun da ai. Nawku Htingnu gawgap ai lam, laili laika majaw ai lam, audio video shapraw ai lam ni hpe, video 3 hte madun dan ai.

Manam Ni Hkring Sa Ai Shara: Nampan sun hte bung ai ndai shara de, shani shat tinang hkrai gun sa nna sha mai ai. Ndai shara hta, shawa rung pat ai aten hta gaw mawdaw yawng mai tawn ai.

Htaw Wa Htaw Sa Ai Lam: Manam gawk ni de htaw wa htaw sa lu hkra, mawdaw kaji ni hpe lajang da ya ai.

Dan Dawng Lam Ni

Laika buk ni, magazine ni hte garan laika ni hpe amyu ga 150 hte dip shapraw nna, mungdan 20 hta nga ai nawku hpung law law de sa ya ai. Chyum Laika hte laili laika ni, video ni hpe amyu ga 20 jan hte ga gale taw ai. Buga Gawgap Bungli Dap gaw, African mungdan 42 hta nga ai Nawku Htingnu gawgap lam hpe karum ya ai.

Hkawm chyai lamang brochure hpe download galaw u