Content de lai

Secondary menu hpe lai

Yehowa Sakse Ni

Kachin

Yehowa Sakse Ni A Uphkang Hpung Ngu Ai Gaw Hpa Rai A Ta?

Yehowa Sakse Ni A Uphkang Hpung Ngu Ai Gaw Hpa Rai A Ta?

Uphkang Hpung ngu ai gaw, mungkan ting na Yehowa Sakse Ni hpe lam matsun ya nga ai, mahkrum madup nga nna atsam ningja hpring ai Hkristan hpung kaji langai re. Shanhte galaw ai bungli lahkawng gaw:

  • Chyum Laika lam matsun ni hpe laili laika ni, zuphpawng ni hte Yehowa Sakse Ni a sharin jawng ni kaw nna, sharin achyin ya lu hkra woi awn ya ai.Luka 12:42.

  • Shanhte gaw, hkaw tsun bungli hpe lam matsun ya ai, alu gumhpraw ni hpe lajang ya ai, atsam rawng ai la ni hpe lit ap ya nna, mungkan ting hta na Yehowa Sakse ni a bungli hpe woi awn ya ai.

Tsa ban langai aten hta Hkristan hpung yawng a malai, ahkyak ai dawdan lam ni hpe dawdan ya wa ai, “Yerusalem de nga ai kasa ni hte salang ni” a kasi hpe Uphkang Hpung hta lawm ai masha ni gaw hkan sa ma ai. (Kasa 15:2) Moi prat na sadi dung ai la ni zawn sha, shanhte gaw anhte hpung a ningbaw ni gaw nre. Lam matsun lu na matu, Chyum Laika hpe sha kamhpa ma ai. Hpung a ningbaw hku nna Yehowa Karai Kasang gaw Yesu hpe aya tang da ai hpe shanhte chye ma ai.1 Korinhtu 11:3; Ehpesu 5:23.

Uphkang Hpung hta lawm ai ni gaw kadai ni ta?

2015, January shata kaw nna uphkang hpung hta lawm ai masha ni gaw, Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson, hte David Splane ni re. Shanhte gaw Brooklyn, New York, U.S.A kaw na ginjaw rung hta magam gun nga ai.

Uphkang Hpung hpe gara hku hpawng de da ai kun?

Magam bungli amyu myu hpe woi awn na matu, Uphkang Hpung hpe komiti kru hte hpawng de da ai. Marai langai hpra gaw komiti langai shing nrai dai hta grau nna magam gun ma ai.

  • Bawng Jahkrup Komiti: Ndai komiti gaw upadi hte seng ai lam ni, shingra tara hpyen ni, makam masham a majaw zingri zingrat ai lam ni hte Yehowa Sakse Ni hpe hkra machyi shangun ai manghkang kaba ni hpe lit la nna woi awn ya ai.

  • Magam Dap Komiti: Ndai komiti gaw Behtela nta dinghku hte seng ai lam ni hpe woi awn ya ai.

  • Dip Shabra Komiti: Chyum Laika hte seng ai laili laika ni hpe dip shapraw ya ai, Nawku Htingnu gawgap ai, ga gale rung ni hte ginjaw garan rung ni gawgap ai bungli hpe ndai komiti gaw woi awn ya ai.

  • Magam Bungli Komiti: Karai Kasang “mungdan a kabu gara shi ga” hkaw tsun ai bungli hpe woi awn ya ai.Mahte 24:14.

  • Sharin Achyin Komiti: Zuphpawng ni, sharin jawng ni, nsen rim ai hte video lamang ni hta madun na lam ni hpe, shajin ai hta woi awn ya ai.

  • Ka Lajang Komiti: Ndai komiti gaw laili laika hte website hta mara na lam ni hpe shajin ai hta, lit la ya nna ga gale ai bungli hpe mung woi awn ya ai.

Uphkang Hpung na masha ni gaw, ndai komiti ni hta magam gun nna, uhpung a ra kadawn ai lam ni hpe bawngban na matu bat shagu zuphpawng ma ai. Dai zuphpawng hta Chyum Laika hta tsun ai lam ni hpe bawngban nna, chyoi pra ai wenyi lam matsun ya ai hpe hkap la ma ai. Myit hkrum let dawdan lam ni lu jahkrat hkra shakut ma ai.—Kasa 15:25.

Uphkang Hpung hpe kadai ni gaw karum ya ai kun?

Kamsham mai ai Hkristan hpunau ni gaw, Uphkang Hpung komiti hpe karum ya ai. (1 Korinhtu 4:2) Shanhte hta atsam ningja hte mahkrum madup ni nga nna, mungkan ting hta nga ai komiti ni hpe lit ni jahkrat ya ai. Bat shagu na zuphpawng hpe mung lung ai. Shanhte gaw dawdan lam ni jahkrat ai shaloi, shanhte nlawm tim, lam matsun ni jaw ai, lam langai ngai hte seng nna shingdu na mabyin ni hpe tsun dan ai. Komiti a dawdan lam hte maren galaw nna, dawdan lam a majaw lu wa ai akyu ni hpe mung maram yu ai. Uphkang hpung gaw lit ni jaw ai majaw, mungkan ting na anhte a hpunau nauna ni hpang de shanhte ni kawan ma ai. Ladu hkrum poi ni hte Gilead jawng yu poi ni hta mung shang lawm nna karum ya ai.

Karum Ya Ai Masha Jahpan

Komiti

Mying

Hpaawn

  • Jawn Eran (Ekrann, John)

  • Robat Wawlan (Wallen, Robert)

 

Magam Dap

  • Jera Karize (Grizzle, Gerald)

  • Patrick Lahparinka (LaFranca, Patrick)

  • Daniela Mohkan (Molchan, Daniel)

  • Rap Waw (Walls, Ralph)

 

Dip Shabra

  • Dawn Adam (Adams, Don)

  • Robat Bathtala (Butler, Robert)

  • Here Kawkan (Corkern, Harold)

  • Dawnel Gawdan (Gordon, Donald)

  • Robat Lusiyuni (Luccioni, Robert)

  • Elet Raimyula (Reinmueller, Alex)

  • Dawi Zinkale (Sinclair, David)

 

Magam Bungli

  • Geri Baro (Breaux, Gary)

  • Jo Delinga (Dellinger, Joel)

  • Set Hait (Hyatt, Seth)

  • Hkristohper Meba (Mavor, Christopher)

  • Bartasa Pala Junia (Perla, Baltasar, Jr.)

  • Wilian Tana Junia (Turner, William, Jr.)

  • Robat Wawlan (Wallen, Robert, Jr.)

  • Liyun Wiba (Weaver, Leon, Jr.)

 

Sharin Achyin

  • Ronel Kazin (Curzan, Ronald)

  • Kenet Hpalodin (Flodin, Kenneth)

  • Wilian Malenhparan (Malenfant, William)

  • Mark Numa (Noumair, Mark)

  • Dawi Shahpra (Schafer, David)

 

Ka Lajang

  • Robat Siranko (Ciranko, Robert)

  • Jim Man (Mantz, James)

  • Aizet Mara (Marais, Izak)

  • Jin Samawli (Smalley, Gene)

  • Jun Witchyet (Wischuk, John)