Content de lai

Barankwila htawng kata kaw Chyum Laika sharin ai lamang galaw nga.

APRIL 26, 2019
COLOMBIA

Kolambia Mungdan Hta Htawng Masha Ni Hpe Chyum Laika Sharin Ya Ai Majaw Yehowa Sakse Ni Hpe Shagrau Lekmat Jaw

Kolambia Mungdan Hta Htawng Masha Ni Hpe Chyum Laika Sharin Ya Ai Majaw Yehowa Sakse Ni Hpe Shagrau Lekmat Jaw

Wanlidupa htawng hta Chyum Laika sharin ai lamang a akyu ni hpe mu lu ai majaw Paulo Hpariri hpaji dap kaw nna jaw ai shagrau lekmat

Kolambia kaw na anhte a hpunau nauna ni gaw, htawng rawng nga ai ni hpe Chyum Laika sharin ya ai 20 ning jan na sai. Wanlidupa mare kaw na htawng langai hta htawng masha ni hpe Chyum Laika sharin ya ai majaw 2018, November, 30 hta Paulo Hpariri hpaji dap kaw nna Yehowa Sakse ni hpe shagrau lekmat jaw wa ai. Ya aten hta htawng masha 50 gaw Chyum Laika sharin nga ma ai.

Yehowa Sakse ni gaw Kolambia mung ting na htawng 65 hta Chyum Laika sharin ya nga ai. Chyum ga sharin lamang 782 hpe galaw nga ai. 1996 kaw na hpang nna hkalup hkam ai du hkra rawt jat wa ai ni marai 60 nga sai.

Htawng kata hta Chyum Laika sharin wa ai Newa Antonio Kawadia gaw hpung myitsu salang langai byin nga sai. Shi a madu jan Leti Kawadia hte arau dem da ai sumla re.

Newa Antonio Kawadia gaw htawng hkrat nga ai aten hta Chyum Laika hkaja nna 1998 hta hkalup hkam la ai. 2007 hta Wanlidupa htawng kaw na pru wa ai. Chyum Laika hkaja ai majaw akyu lu wa ai lam hpe ndai hku tsun dan ai: “Htawng kaw naw nga ai aten kaw nna Chyum Laika npawt tara ni gaw ngai hpe makawp maga ya ai. Hpaji rawng shangun ai. Prat hta kaba la ai galai shai lam ni galaw na matu hte myit mada lam nga na matu shadut ya ai.”

Mungkan grup Yehowa Sakse ni gaw htawng masha ni kaw sa nna hkaw tsun lu na matu shakut nga ai. Hpa majaw nga yang, “masha yawng mayawng hkye hkrang la ai hkrum lu nna, teng man ai lam a chye chyang ai kaw du lu” na matu Yehowa ra sharawng ai majaw re.​—1 Timohti 2:4.