Content de lai

Secondary menu hpe lai

Yehowa Sakse Ni

Kachin

Si Mat Ai Masha Ni Bai Hkrung Rawt Wa Na Kun?

Si Mat Ai Masha Ni Bai Hkrung Rawt Wa Na Kun?

Nang Gara Hku Shadu Ai Rai?

  • Bai hkrung wa na.

  • Bai hkrung na n re.

  • Bai hkrung yang hkrung wa na.

 Chyum Laika Hta Tsun Da Ai Lam

“Bai hkrung rawt wa na lam nga ai.”—Kasa 24:15.

Chyum Laika Hta Na Nang Lu La Mai Ai Akyu Ni

Tinang tsawra ai masha ni si mat ai shaloi myit shalan ya ai.—2 Korinhtu 1:3, 4.

Si hkrung si htan hpe hkrit ai kaw na lawt lu na.—Hebre 2:15.

Si mat wa sai tinang a tsawra ai masha ni hte bai hkrum zup lu na myit mada shara nga ai.—Yawhan 5:28, 29.

 Chyum Laika Hta Tsun Da Ai Lam Ni Hpe Kam Mai A Ni?

Kam mai ai lam ni nga ai. Nkau mi gaw:

  • Karai Kasang gaw asak hpe Hpan da ai madu re. Chyum Laika hta, Yehowa Karai Kasang hpe “asak hka hpawk” nga nna tsun da ai. (Shakawn Kungdawn 36:9; Kasa 17:24, 25) Hkrung mahkrung yawng hpe asak jaw da ai madu gaw, si mat ai masha ni hpe bai hkrung rawt wa hkra teng sha galaw ya lu ai.

  • Karai Kasang gaw moi na masha nkau mi hpe asak bai hkrung hkra galaw ya ai. Asak bai hkrung wa ai masha marai matsat a lam hpe, Chyum Laika hta ka matsing da ai. Shanhte hta masha kaba, ma, la, num yawng lawm nga ai. Nkau mi gaw, si mat ai kade nna yang bai hkrung rawt wa ai. Marai langai mi gaw, si nna lup hta mali ya na ai hpang bai hkrung rawt wa ai.—Yawhan 11:39-44.

  • Karai Kasang gaw dai hku bai galaw ya na hpe grai sharawng nga ai. Yehowa gaw, si hkrung si htan hpe nju ndawng nna, hpyen zawn mu ai. (1 Korinhtu 15:26) Shi gaw, si mat ai ni hpe bai hkrung rawt shangun nna, si hkrung si htan ngu ai hpyen hpe jahten kau mayu ai. Si mat tim, shi a matsing nyan hta rawng ai ni hpe, mungkan ga ntsa hta nga na matu, asak bai hkrung shangun mayu ai.—Yoba 14:14, 15.

 Sumru Yu Ga

Anhte hpa majaw asak kung wa nna si ra ai rai?

Ndai ga san a matu Chyum Laika mahtai hpe NINGPAWT NINGHPANG 3:17-19 hte ROMA 5:12 hta mu lu ai.