Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Na A Dinghku Ngwi Pyaw Lu

 Daw 2

Langai Hte Langai Sadi Dung U

Langai Hte Langai Sadi Dung U

“Karai Kasang matut da nu ai hpe masha gaw n jahka kau u ga.”​—⁠Marku 10:9

Yehowa ra sharawng ai hpe lu mayu yang, tinang a ningrum ningtau hpe “sadi dung” ra ai. (Malahki 2:16, Kabu Gara) Sadi n dung yang, kam ai myit n nga ai. Kam ai myit n nga yang, tsawra myit mung n nga ai. Dai majaw, dinghku hta sadi dung na matu grai ahkyak ai.

Dai ni aten, dinghku jahten ai manghkang ni law nga ai. Dai majaw, dinghku hpe makawp maga na matu, lam lahkawng galaw ra ai.

 1 NINGRUM NINGTAU HPE NINGSHAWNG TAWN U

CHYUM LAIKA TSUN AI LAM: “Hpaji n rawng ai ni zawn n rai, hpaji rawng ai ni zawn hkawm nga mu.” (Ehpesu 5:15, 16) Dinghku hpe, prat a ahkyak htum lam ni kaw nna, langai hku mu mada yang, hpaji rawng ai wa re. Dai majaw, na a ningrum ningtau hpe ningshawng tawn ra ai.

Na a ningrum ningtau hpe, lanu lahku nna “prat htum hkra ngwi pyaw” let, rau nga na matu, Yehowa myit mada ai. (Hpaji Ningli 9:9) Tinang a ningrum ningtau hpe ahkyak shatai let, shada da ngwi pyaw lam tam na matu, Yehowa tsun da ai. (1 Korinhtu 10:24) Ningrum ningtau gaw, na a matu n nga n mai hte shi hpe manu shadan ai lam, shi chye u ga.

NANG GALAW MAI AI LAM:

  • Ningrum ningtau hte aten la nna rau sa rau galaw u. Shi hpe lanu lahku u

  • “Ngai” ngu myit na malai “an yan” ngu myit u

 2 NA MYIT MASIN HPE MAKAWP MAGA U

CHYUM LAIKA TSUN AI LAM: “Myit madu hte numsha hpe yu yu nna ra ai wa gaw, shi a myit hta, dai numsha hte, num shaw ai amu galaw nu ai.” (Mahte 5:28) Nse nsa lam ni hpe myit nga yang, ningrum ningtau hpe sadi n dung ai hte bung ai.

“Myit masin . . . hpe tsam mari bau sin nga u” ngu, Yehowa tsun ai. (Ga Shagawp 4:23; Yeremia 17:9) Dai hku galaw na matu, hpa ni yu nga ai hpe sadi ra ai. (Mahte 5:29, 30) Kaga numsha ni hpe, ra marin ai myit hte galoi mung n yu na matu, Yoba daw dan da ai. Shi a kasi hpe hkan sa u. (Yoba 31:1) Nang mung, nse nsa sumla ni hpe galoi mung n yu na matu, ningrum ningtau hta lai nna, kadai hpe mung myit n lawm na matu daw dan da u.

NANG GALAW MAI AI LAM:

  • Ningrum ningtau a ntsa, tsep kawp sadi dung ai hpe kaga masha ni chye u ga

  • Ningrum ningtau a hkam sha ai lam hpe myit tau ya u. Marai langai ngai hte kanawn mazum ai hpe, shi n ra ai nga yang, dai hpe kalang ta koi kau u