Content de lai

Secondary menu hpe lai

Yehowa Sakse Ni

Kachin

Ngwi Pyaw Ai Kun Dinghku Hpe Gara Hku Lu La Mai Na Ta?

Ngwi Pyaw Ai Kun Dinghku Hpe Gara Hku Lu La Mai Na Ta?

Nang gara hku shadu ai rai?

  • Tsawra myit hte kun?

  • Ja gumhpraw hte kun?

  • Kaga lama ma hte kun?

 Chyum Laika Hta Tsun Da Ai Lam

“Karai Kasang a mungga madat la nna, hkan nang ai ni gaw a lu ma ai.” —Luka 11:28.

Chyum Laika Hta Na Nang Lu La Mai Ai Akyu Ni

Teng man ai tsawra myit hpe lu la na.—Ehpesu 5:28, 29.

Shada da hkungga lara ai lam lu la na.—Ehpesu 5:33.

Myithkrum rap ra ai lam lu la na.—Marku 10:6-9.

 Chyum Laika Hta Tsun Da Ai Lam Ni Hpe Kam Mai A Ni?

Kam mai ai lam ni nga ai. Nkau mi gaw:

  • Karai Kasang gaw kun dinghku hpe nnan de ya ai wa re. Chyum Laika hta Yehowa hpe “kawa ngu shamying ai, yawng hte a npawt daju Kawa” nga nna tsun da ai. (Ehpesu 3:14, 15) Maga mi hku tsun na nga yang, kun dinghku prat gaw Yehowa a majaw byin pru wa ai re. Dai hpe chye na matu hpa majaw ahkyak a ta?

    Ndai lam hpe myit yu u. Grai mu ai shat mai hpe sha ngut ai hpang, dai hta hpa ni bang shadu da ai hpe chye mayu yang, kadai hpe san na rai? Dai shat mai shadu ai wa hpe san na n rai ni?

    Dai zawn sha, kun dinghku ngwi pyaw na lam ni hpe chye mayu ai nga yang dai hpe nnan de ya ai Yehowa Karai Kasang hpe san ra na rai nga ai.—Ningpawt Ninghpang 2:18-24.

  • Karai Kasang nang hpe yu lanu lahku nga ai. Kun dinghku kata na masha shagu gaw, Chyum Laika hta tsun da ai, Yehowa a hpaji jaw ai ga ni hpe, shakut nna hkan sa yang, hpaji rawng ai ni tai wa na re. Hpa majaw rai? “Shi nanhte hpe lanu lahku tsang ya nga ai” majaw re. (1 Petru 5:6, 7, Kabu Gara Shiga) Yehowa gaw, nang akyu lu na hpe ra sharawng nga ai. Dai majaw, shi sharin ya ai lam ni gaw, anhte a matu galoi mung akyu nga ai.—Ga Shagawp 3:5, 6; Esaia 48:17, 18.

 Sumru Yu Ga

Kaja ai dinghku la, dinghku num hte kaja ai kanu kawa gara hku byin mai na ta?

Ndai ga san a matu Chyum Laika mahtai hpe EHPESU 5:1, 2 hte KOLOSE 3:18-21 hta mu lu ai.