Content de lai

Secondary menu hpe lai

Yehowa Sakse Ni

Kachin

Mungkan Hpe Kadai Up Hkang Nga A Ta?

Mungkan Hpe Kadai Up Hkang Nga A Ta?

Nang gara hku shadu ai rai?

  • Karai Kasang kun?

  • Shinggyim masha ni kun?

  • Satan kun?

 Chyum Laika Hta Tsun Da Ai Lam

“Mungkan ting gaw n hkru ai wa a up hkang ai a kata e rai nga ai.”—1 Yawhan 5:19.

“Nat a amu bungli hpe sharun jahten kau na matu, Karai Kasang a Kasha gaw paw pru wa sai.”—1 Yawhan 3:8, Kabu Gara Shiga Chyum Laika.

Chyum Laika Hta Na Nang Lu La Mai Ai Akyu Ni

Mungkan a manghkang ni hte seng nna lachyum dan leng ai sang lang da ai lam ni.—Shingran 12:12.

Mungkan a mabyin masa ni grau kaja wa na hpe kam mai ai.—1 Yawhan 2:17.

 Chyum Laika Hta Tsun Da Ai Lam Ni Hpe Kam Mai A Ni?

Kam mai ai lam ni nga ai. Nkau mi gaw:

  • Satan a up hkang ai lam gaw hten za na hkyen sai. Yehowa gaw, masha ni a ntsa Satan up hkang nga ai hpe, jahtum kau na matu dawdan da sai. Nat wa hpe jahten shabyak kau nna, shi a majaw byin nga ai manghkang ni yawng hpe, yeng seng kau na nga nna ga sadi jaw da ai.—Hebre 2:14.

  • Karai Kasang gaw mungkan hpe up hkang na matu Yesu Hkristu hpe lata da sai. Yesu gaw, mungkan hpe up hkang nga ai, nhkru nna tinang akyu hpe sha tam ai ni hte n bung ai. Karai Kasang gaw, Yesu a up hkang ai npu hta, gawng kya ai ni hte “matsan mayan ni hpe shi matsan dum nna, . . . Zingri zingrat hte dip sha ai kaw na, shi shanhte a asak hpe shaw la” na nga nna tsun da ai.—Shakawn Kungdawn 72:13, 14.

  • Karai Kasang gaw n masu ai. “Karai Kasang gaw galoi mung n masu” ai nga nna Chyum Laika hta tsun da ai. (Hebre 6:18) Lama ma hpe galaw ya na nga nna Karai Kasang ga sadi jaw da yang, dai hpe galaw ngut sai zawn mu mada ai. (Esaia 55:10, 11) “Ndai mungkan Du wa gaw, ya shinggan de shaden kau ai, hkrum na rai wa sai.”—Yawhan 12:31.

 Sumru Yu Ga

Mungkan a up hkang ai wa hpe, yeng seng kau ngut ai hpang, mungkan gaw gara hku byin wa na kun?

Ndai ga san a matu Chyum Laika mahtai hpe SHAKAWN KUNGDAWN 37:10, 11 hte SHINGRAN 21:3, 4 hta mu lu ai.