Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Ma Ni Hpe Sharin Achyin Ya U

 DAW 12

Marai Rawng Ai Pawlu A Kahkri

Marai Rawng Ai Pawlu A Kahkri

Katsa a asak hpe hkye la ai la langai a lam hpe hti yu ga. Shi a katsa gaw Pawlu re. Dai la a mying hpe nchye tim, grai marai rawng ai hpe gaw chye lu ai. Shi a lam hpe chye mayu ai i?—

Pawlu gaw Yesu a lam hkaw tsun ai majaw, rim hkrum nna Yeruslem mare hta htawng hkrat nga ai. Nhkru ai masha nkau gaw, Pawlu hpe nju ma ai. Shanhte gaw ‘Pawlu hpe tara rung de shaga wa na matu, hpyen du kaba hpe sa tsun ga. Shi hpe shaga wa ai shaloi lam kaw hkap sat kau ga’ nga nna bawng ma ai.

Pawlu a kahkri gaw Pawlu hte hpyen du kaba hpe, nhkru ai masha ni bawng nga ai lam tsun dan

Pawlu a kahkri gaw dai hpe na kau ai. Shi hpa galaw ai hpe chye ai i? Shi htawng de sa nna Pawlu hpe tsun dan ai. Pawlu gaw hpyen du kaba hpang de kalangta sa tsun shangun ai. Pawlu a kahkri dai hpyen du kaba hpe sa tsun na matu loi ai i?— Nloi ai. Hpyen du kaba ngu ai gaw ahkang aya grai kaba ai. Raitim, Pawlu a kahkri gaw marai rawng ai majaw hpyen du kaba hpe sa tsun dan ai.

Hpa galaw ra na hpe hpyen du wa chye mat ai. Shi gaw Pawlu hpe makawp maga na matu, hpyenla 500 daram hpe shaga nna dai shana jang Kesare mare de sa sa shangun ai. Pawlu asak lawt ai kun?— Lawt ai. Nhkru ai masha ni shi hpe hpa mung nlu galaw ai. Shanhte bawng da ai lam hten mat ai.

Ndai lam hta na hpa sharin la mai na ta?— Ma ni mung marai rawng ra ai. Yehowa a lam kaga masha ni hpe tsun dan ai shaloi marai rawng ra ai. Ma ni marai rawng ai hte Yehowa a lam masha ni hpe tsun dan ai kun?— Dai hku tsun dan yang masha ni a asak hpe hkye la lu na re.

Chyum Laika Hta Hti Yu U

  • Kasa 23:12-24

  • Mahte 24:14; 28:18-20

  • 1 Timohti 4:16