Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Ma Ni Hpe Sharin Achyin Ya U

 DAW 14

Mungkan Ting Hpe Uphkang Na Mungdan

Mungkan Ting Hpe Uphkang Na Mungdan

Gara Mungdan a lam tsun nga ai kun?— Mungkan ting hpe, hparadisu byin hkra galaw ya na, Karai Kasang A Mungdan re. Dai Mungdan a lam grau nna chye mayu ai i?—

Mungdan shagu hta hkawhkam nga ai. Shi gaw mungdan hta nga ai masha ni hpe uphkang ai. Karai Kasang A Mungdan na Hkawhkam hpe chye ai i?— Yesu Hkristu re. Shi gaw sumsing lamu hta nga ai, kade nna yang masha yawng hpe uphkang sana re. Yesu uphkang ai shaloi pyaw na ngu shadu ai kun?—

Hparadisu hta hpa byin na hpe mu a ta?

Grai pyaw na re. Hparadisu hta ga law hkat ai, majan gasat ai ni n nga sai. Shada da tsawra na. Machyi ai, si ai mung n nga sai. Myi n mu ai ni, na n na ai ni bai kaja wa na, lagaw hten ai ni kagat, gumhtawn lu na ra ai. Lu sha law htam wa na. Dusat ni shada da sha n ga, masha ni hte mung jinghku byin wa na. Si mat ai masha ni mung bai hkrung wa na. Ndai laika buk hta lawm ai Rebeka, Rahab, Dawi, Elia hte kaga masha ni mung asak bai hkrung wa na re. Shanhte hte ma ni hkrum mayu ai i?—

 Yehowa gaw nang hpe tsawra nna ngwi pyaw shangun mayu ai. Ma ni Yehowa a lam matut hkaja nna, shi a ga hpe madat yang, hparadisu hta htani htana nga lu na re. Dai hta nga mayu ai kun?—

Chyum Laika Hta Hti Yu U

  • Esaia 2:4; 11:6-9; 25:8; 33:24; 35:5, 6

  • Yawhan 5:28, 29; 17:3