Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Karai Kasang Kaw Na Kabu Gara Shiga

 Daw 1

Kabu Gara Shiga Gaw Hpa Rai Ta?

Kabu Gara Shiga Gaw Hpa Rai Ta?

1. Karai Kasang kaw na kabu gara shiga gaw hpa rai ta?

Karai Kasang gaw shinggyim masha ni hpe, mungkan ga ntsa hta, ngwi pyaw ai asak aprat lu shangun mayu ai. Mungkan ga hte dai hta nga ai yawng mayawng hpe hpan da ai gaw, shinggyim masha ni hpe tsawra ai majaw re. Kade n na yang, masha ni a matu grau kaja ai, asak aprat hpe galaw ya sana re. Masha ni hta byin nga ai, yakhkak jamjau ai lam ni hpe yeng seng kau sana re.Yeremia 29:11 hpe hti u.

Gara masha asuya mung, nhkru nkaja ai lam, ana zinli, si hkrung si htan ni hpe yeng seng ya lu ai atsam n nga ai. Raitim, kabu gara shiga nga ai. Kade nna yang Karai Kasang gaw masha asuya yawng a shara hta, shi a asuya hte galai kau sana re. Karai Kasang uphkang ai hpe hkap la ai ni gaw, hkam kaja ai hte ngwi pyaw simsa lu na re.Esaia 25:8; 33:24; Daniela 2:44 ni hpe hti u.

2. Kabu gara shiga hpa majaw ra ahkyak nga ai kun?

Nkaja ai masha ni hpe Karai Kasang yeng seng kau ngut ai hpang she, yakhkak jamjau ai lam ni htum mat na re. (Zehpani 2:3) Dai gaw galoi rai na ta? Ya, shinggyim masha ni hkrum hkra nga ai, mabyin masa ni hpe Karai a Mungga hta, tau hkrau tsun da ai. Mungkan hta byin nga ai nhkru nhkra ai lam ni gaw, Karai Kasang a nhtoi ni wa sai hpe madun dan ai.2 Timohti 3:1-5 hpe hti u.

3. Anhte hpa galaw ra na kun?

Karai a Mungga re ai Chyum Laika kaw na, shi a lam hpe anhte sharin la ra ai. Dai gaw tsawra myit rawng ai kawa hpang de na, laika langai hte bung ai. Dai kaw, ya aten hta grau kaja ai asak aprat hte, htawm hpang prat hta mung, mungkan ga ntsa hta htani htana asak gara hku lu mai ai lam ni hpe tsun dan ai. Nang Chyum Laika chye na hkra galaw nga ai hpe, nkau mi gaw ra na nre. Raitim, grau kaja ai htawm hpang prat lu na ahkaw ahkang hpe hkum tat kau u.Ga Shagawp 29:25; Shingran 14:6, 7 ni hpe hti u.