Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Karai Kasang Kaw Na Kabu Gara Shiga

 Daw 10

Teng Man Ai Nawku Htung Hpe Gara Hku Ginhka Lu Na Kun?

Teng Man Ai Nawku Htung Hpe Gara Hku Ginhka Lu Na Kun?

“Myihtoi masu ni hpe koi gam mu.”MAHTE 7:15.

“Karai Kasang hpe chye chyang ga ai, nga ma ti mung, . . . tinang a arawn alai hte shi hpe nyet kau ma ai.”TITU 1:16.

1. Teng man ai nawku htung kade nga ai rai?

Yesu gaw shi a sape ni hpe teng man ai nawku htung langai hpe sha sharin ya ai. Dai gaw htani htana asak jaw ai lam hte bung ai. Dai lam hpe “mu tam ai ni n law ma ai” nga nna Yesu tsun ai. (Mahte 7:14) Karai Kasang gaw shi a Mungga re ai, Chyum Laika hta madung tawn ai, nawku htung hpe sha hkap la ai. Teng man ai hku nawku ai ni yawng gaw, makam masham langai hta kahkyin gumdin nga ma ai.Yawhan 4:23, 24; 14:6; Ehpesu 4:4, 5 ni hpe hti u.

2. Shut shai ai Hkristan ni hte seng nna Yesu hpa tsun a ta?

Myihtoi masu ni gaw, teng man ai hkristan nawku htung hpe jahten na ra ai nga nna Yesu sadi jaw da ai. Shanhte hpe ntsa lam yu yang gaw, teng man ai Hkristan ni hte bung ai. Shanhte hkum shanhte Hkristan re nga nna hkrak tsun ma ai. Raitim, shanhte gaw teng man ai Hkristan nre ai hpe nang gara hku chye ginhka lu na ta? Teng man ai nawku htung langai kaw na sha, teng man ai Hkristan gaw byin pru wa ai. Shanhte a atsam ningja ni hte magam bungli ni hpe yu nna, teng man ai Hkristan re ai, nre ai hpe ginhka mai ai.Mahte 7:13-23 hpe hti u.

3. Teng man ai Hkristan ni hpe nang gara hku ginhka lu na kun?

Ginhka mai ai lam ni kaw na manga hpe yu ga:

  • Teng man ai Hkristan ni gaw Chyum Laika hpe Karai a Mungga hku nna hkam la ma ai. Shanhte gaw Chyum Laika a tara ni hte maren asak hkrung na matu shakut ma ai. Dai majaw teng man ai Hkristan ni gaw, masha a myit mang ai lam hta madung tawn ai, nawku htung ni hte n bung ai re. (Mahte 15:7-9) Teng man ai Hkristan ni gaw tsun ai myu mi, galaw ai myu mi n galaw ma ai.Yawhan 17:17; 2 Timohti 3:16, 17 ni hpe hti u.

  •   Yesu a teng man ai sape ni gaw Karai Kasang a amying, Yehowa hpe shagrau ma ai. Yesu gaw masha ni hpe Karai Kasang a amying chye shangun nna shagrau ai. Karai Kasang a lam masha ni chye wa hkra karum ya nna, Karai Kasang a amying chyoi pra na matu akyu hpyi mu nga nna sharin ya ai. (Mahte 6:9) Nang nga ai shara hta, gara nawku hpung gaw, Karai Kasang a amying hpe chye hkra karum ya nga a ta?Yawhan 17:26; Yoela 2:32 ni hpe hti u.

  • Tengman ai Hkristan ni gaw Karai a Mungdan lam hkaw tsun ma ai. Karai Kasang gaw, Yesu hpe Karai Mungdan a kabu gara shiga hkaw tsun na matu shangun dat ai. Karai a Mungdan langai sha, shinggyim masha ni a matu myit mada lam re. Yesu gaw dai shiga hpe, shi si ai aten du hkra, hkaw tsun wa sai. (Luka 4:43; 8:1; 23:42, 43) Shi a sape ni mung dai hpe hkaw tsun na nga nna tsun ai. Nang hpe Karai Mungdan a lam, marai langai ngai tsun dan yang, shi gaw gara nawku hpung kaw na rai na kun?Mahte 24:14 hpe hti u.

  • Yesu a sape ni gaw nhkru ai ndai mungkan lam ni hta n shang lawm ma ai. Shanhte ni gaw, mung masa lam hta n shang lawm ai. (Yawhan 15:19; 18:36) Ndai mungkan a n kaja ai akyang lailen ni, myit jasat ni hpe mung n hkan galaw ma ai.Yaku 4:4 hpe hti u.

  • Teng man ai Hkristan ni gaw, langai hte langai jet ai tsawra myit madun ma ai. Amyu bawsang yawng hpe hkungga na matu, Karai a Mungga kaw na, sharin la ma ai. Shut shai ai nawku hpung ni gaw majan ni hpe madi shadaw ma tim, teng man ai Hkristan ni gaw dai zawn n galaw ma ai. (Mihka 4:1-3) Teng man ai Hkristan ni gaw, kaga masha ni hpe karum ya na matu, n-gun jaw na matu, shanhte a aten hte n-gun ni hpe jailang nga ai.Yawhan 13:34, 35; 1 Yawhan 4:20 ni hpe hti u.

4. Teng man ai nawku htung hpe nang garan ginhka lu na kun?

Karai a Mungga hta madung tawn nna sharin achyin ya ai, Karai Kasang a amying hpe shagrau ai, Karai a Mungdan langai sha, masha ni a matu myit mada shara re ai hpe, hkaw tsun nga ai nawku hpung gaw gara rai ta? Tsawra myit madun nna, majan ni hta n lawm ai gaw gara hpung ta? Nang gara hku shadu ai kun?1 Yawhan 3:10-12 hpe hti u.