Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Karai Kasang Kaw Na Kabu Gara Shiga

 Daw 11

Karai Kasang A Tara Ni Gaw Anhte Hpe Gara Hku Akyu Jaw Ai Kun?

Karai Kasang A Tara Ni Gaw Anhte Hpe Gara Hku Akyu Jaw Ai Kun?

Chyum Laika a teng man ai lam gaw, anhte hpe gara hku tau hkrau makawp maga ya lu ai kun? SHAKAWN 36:9.

1. Anhte shinggyim masha ni hpa majaw lam matsun ya na hpe ra a ta?

Hpan Da Madu gaw anhte hta hpaji grau rawng ai. Tsawra myit rawng ai Kawa zawn anhte hpe yu lanu lahku nga ai. Shi a madi shadaw ai lam n nga ai sha, asak hkrung na matu anhte hpe n hpan da ai. (Yeremia 10:23) Ma kaji ni gaw, kanu kawa ni lam matsun ya ai hpe ra ai zawn, anhte yawng mung Karai Kasang a lam matsun hpe ra nga ai. (Esaia 48:17, 18) Chyum Laika tara ni gaw Karai Kasang jaw ai kumhpa rai nna anhte hpe lam matsun ya ai.2 Timohti 3:17 hpe hti u.

Yehowa a tara ni gaw, ya aten hta kaja htum asak aprat hte, htawm hpang prat hta, htani htana asak hpe, gara hku lu mai ai lam sharin ya ai. Karai Kasang gaw anhte hpe hpan da ai majaw, shi a lam matsun hpe sha anhte madat ra ai.Shakawn Kungdawn 19:7, 11; Shingran 4:11 ni hpe hti u.

2. Karai a Mungga gaw anhte hpe gara hku lam matsun ya a ni?

Mabyin masa law law hta, anhte hpe Karai Kasang gara hku galaw shangun mayu ai hpe, Chyum Laika hta madun da ai. Mabyin masa nkau mi a matu, tup hkrak madun da ai tara ni mung nga ai. (Tara Jahprang 22:8) Sawn dinglik atsam hpe jailang nna, Chyum Laika gaw anhte hpe hpa tsun ai lam chye hkra galaw ra ai. (Ga Shagawp 2:10-12) Ga shadawn, asak gaw Karai Kasang jaw ai kumhpa re ai, nga nna Chyum Laika hta sharin ya ai. Dai teng man ai lam madung gaw, anhte hpe karum ya lu ai.Kasa 17:28 hpe hti u.

3. Gara hkang da ai tara lahkawng gaw ahkyak ai rai?

Yesu gaw ahkyak ai hkang da ai tara lahkawng hpe tsun dan ai. Shinggyim masha prat a yaw shada lam gaw, Karai Kasang hpe chye na matu, tsawra na matu hte, shi a ntsa sadi dung na matu re ai hpe, shawng na tara gaw madun dan ai. Anhte a daw dan ai lam shagu hta, dai hte maren daw dan ra  ai. (Ga Shagawp 3:6) Dai tara hte maren asak hkrung yang, Karai Kasang hte hku hkau ni htep nna, teng man ai ngwi pyaw lam hte, htani htana asak lu la na re.Mahte 22:36-38 hpe hti u.

Hkang da ai tara hpang langai gaw, kaga masha ni hte simsa ai hku hkau lam nga na matu, lam matsun ya ai. (1 Korinhtu 13:4-7) Dai hkang da ai tara hte maren galaw ai gaw, masha ni hte kanawn mazum ai Karai Kasang a kasi hpe hkan galaw ai re.Mahte 7:12; 22:39, 40 hpe hti u.

4. Karai Kasang a tara ni gaw anhte hpe gara hku akyu jaw a ta?

Karai Kasang a tara ni gaw kun dinghku ni hpe tsawra myit hte myit hkrum nga na matu sharin ya ai. (Kolose 3:12-14) Chyum Laika gaw, dinghku hpe prat tup a matu byin ra ai nga nna sharin ya let, kun dinghku ni hpe makawp maga ya ai.Ningpwt Ninghpang 2:24 hpe hti u. 

Chyum Laika hta lawm ai tara ni hte maren asak hkrung yang, kanbau bungli hta akyu lu nna, myit masin mung ngwi pyaw simsa na re. Ga shadawn, bungli madu ni gaw, Chyum Laika tara ni hte maren asak hkrung nna, ding man ai, bungli shakut ai ni hpe grau ra sharawng ma ai. (Ga Shagawp 10:4, 26; Hebre 13:18) Karai Kasang hte hku hkau lam hpe ja gumhpraw ni hta na grau manu shadan na matu, tinang hta nga ai hte myit dik chye na matu, Chyum Laika gaw sharin ya ai.Mahte 6:24, 25, 33; 1 Timohti 6:8-10 ni hpe hti u. 

Karai Kasang a tara ni hte maren asak hkrung yang, anhte a hkamja lam hpe makawp maga ya na re. (Ga Shagawp 14:30; 22:24, 25) Ga shadawn, lu lai ai amu hkum galaw, nga ai Karai Kasang a tara hpe madat ai gaw, ana zinli ni hte, n myit mada ai sha byin wa ai manghkang ni kaw na makawp maga ya ai. (Ga Shagawp 23:20) Yehowa gaw chyaru hpe lu na ahkang jaw ai, raitim, ram daw sha lu shangun ai. (Shakawn 104:15; 1 Korinhtu 6:10) Karai Kasang a tara ni gaw anhte galaw ai lam hta sha n ga, myit mang ai lam ni hpe mung makawp maga na matu sharin ya ai. (Shakawn 119:97-100) Teng man ai Hkristan ni gaw tinang akyu a matu sha nrai, Yehowa hpe shagrau na matu, Chyum Laika tara ni hpe hkan sa ma ai.Mahte 5:14-16 hpe hti u.